Фитнес тренинг за топење на масните наслаги

Овој незадолжителен тренинг за брз метаболизам можете да го спроведувате било каде и без никакви изговори.

Потребно време: 18 минути

Опрема: Непотребна

Цел: Тренинг на цело тело

Како се спроведува:

Изведете по 50 повторувања од секоја вежба по кој било редослед, колку побрзо можете, без одмор.

Не мора да ги изведете сите 50 повторувања одеднаш. Можете да изведете 20 склекови, па да преминете на кратки стомачни вежби, па повторно да се вратите на склековите и така натаму.

Кога ќе завршите со еден круг вежби, одморете 1-2 минути, па повторете ја постапката.

Вежби:

1. Склекови – спуштете се на раце и нозе и поставете ги дланките малку пошироко од линијата на рамениците. Спуштајте го телото додека градите не ви го допрат дното, а потоа вратете се назад најбрзо што можете.

2. Одење додека се потпирате – Заземете положба за склекови, а потоа подигнете го десното стапало и привлечете гo коленото колку можете поблизу до градите, допирајќи го дното со прстите на нозете. Повторете го тоа и со другата нога.

3. Кратки стомачни мускули – Легнете на грб, свиткајте ги колениците и ставете ги стапалата на подот. Рацете ставете ги зад уши, а потоа подигнете се со рамениците и главата додека го виткате градниот кош. Вратете се во првобитната положба и повторете ја постапката колку можете побрзо.

4. Прескокнување во расчекор – Застанете, допрете ги стапалата и истегнете ги рацете на страна. Потоа, истовремено замавнете со рацете над глава и скокнете таман колку да ги раширите нозете. Без пауза вратете се во првичната положба и повторете ја вежбата.

5. Чучнувања – Испружете ги рацете пред себе и исправете се. Стапалата поставете ги во ширина на рамениците. Исфрлете ги колковите наназад и спуштајте го телото, додека бутовите не ви бидат паралелни со подлогата. Исправете се и повторете ја вежбата додека не почувствувате блага болка во мускулите.