Масната храна и слатките ги заменила со тегови. Ова се резултатите (фото)

Синди Гарсија Листер некогаш била зависна од масна, брза храна и десерти кои и донеле 25 килограми вишок.

Сепак, решила да направи драстична промена, па се почестила со месечна членарина за теретана наместо со десерт. Резултатите кои ги постигнала се импресивни!

Денес Синди има совршено тело и професионално се занимава со бодибилдинг, а редовно освојува награди на натпреварите.

- Не можам да верувам колку ми се промени животот. Се чувствувам неспоредливо здраво, а резултатите кои ги постигнав се навистина очигледни, вели Синди.

Иако како девојче била слаба, на факултет доста се здебелила.

- Бев осамена затоа што почнав да живеам сама. Утехата ја наоѓав во храната и често претерував во тоа. Така стигнав до дебелината која ме направи депресивна.

Неколку пати се обидувала да ослабе со разни диети и режими на исхрана, но сепак не остварила задоволувачки резултати, што ја правело уште подепресивна.

- Знаев дека дефинитивно дојде времето да превземам нешто и решив да се одвикнам од брзата храна. Потоа почнав да одам во теретана. Многу девојки ги избегнуваат теговите плашејќи се дека ќе станат претерано мускулести, но тоа не е вистина.

Синди сега е и приватен тренер кој им помага на луѓето со проблем сличен на нејзиниот.

- Мило ми е што ги мотивирам луѓето да тргнат по мојот пат и верувајте дека навистина се исплати. Мојот живот денес е драстично поинаков и го обожавам заради тоа!

• 
• 
• 
• 
• 
• 
• 
• 
•