3 вежби со кои бргу ќе ги стопите масните наслаги на стомакот

По зимското внесување на високо калорични оброци преминавте на диети и режими за да ги намалите килограмите и што е најважно да се ослободите од масните наслаги кои се прилепени за вашиот стомак, но тоа некако споро ви оди.

Ова се три брзи и едноставни вежби кои ќе ве доведат до посакуваните резултати доколку ги практикувате секојдневно.

Секако не заборавајте и на правилната исхара и течностите. 8 чаши вода ви се секојдневно неопходни за нормално функционирање на метаболизмот и добро варење на храната.

1. Странично свиткување

Раширете ги нозете на тој начин што стапалата ќе бидат во иста должина со вашите рамења и рацете поставете ги исправено по должината на телото. За оваа вежба да биде уште поуспешна пожелно е во рацете да имате и некаква тежина. Во случај да не поседувате тегови, тогаш слободно послужете се со мали шишенца вода исполнети со песок. Навалувајте ја едната рака надоле, а другата паралелно подигајте ја. Потоа обратно. Таа рака која ви била голе почнете полека да ја спуштате додека другата ја подигнувате. Направете 50 повторувања.

2. Ротација на половината

Оставете ги тегчињата и овојпат продолжете благо со проширување на нозете се додека не можете удобно да ги подсвиткате колената. Рацете исправете ги и поставете ги на тој начин што дланките ќе ви се допираат. Наизменично започнете со движење на рацете од левата кон десната страна. Како и во случајот со предходната вежба така и оваа направете ја со 50 повторувања.

3. Префрлување

Откако завршивте со предходните две вежби сега легнете на подот исправени со нозете прилепени една кон друга и рацете дигнати високо над главата исто така, прилепени. Истовремено подигнувајте ги и нозете и рацете колку е можно повеќе. Кога ќе стигнете до положбата до која екстремитетите ви се највисоко, останете во таа положба неколку секунди и потоа започнете со благо спуштање надолу се додека не се најдете повторно целосно прилепени за земјата. Оваа вежба повторете ја 15 пати.