7-те најефикасни вежби за ослободување од подбрадокот

Правилната исхрана и вежбите секако дека помагаат да се ослободите од вишокот килограми и насобраното сало.

Но, ако сакате да се ослободите од подбрадокот ќе морате да правите специјални вежби.

Прво, ги загревате мускулите

Како и сите други мускули, така и овие,треба прво да ги загреете со движења нанапред и наназад, бавно. А, потоа, и од лево кон десно со движење на брадата. Движењата повторувајте ги од 8 до 10 пати.

1. Собирање

Отворете ја устата и долните усни ставете ги над забите и така почнете да ја отворате и затворате устата. Вежбата повторувајте ја од 5 до 7 пати.

2. Допирање на носот

Исплазете го јазикот колку можете подалеку како да се обидувате да го допрете носот, а потоа вратете го во нормалана положба. Оваа вежба повторувајте ја 5 пати.

3. Совршено овално лице

Поставете ја главата на една страна и исправајте ја вилицата нанапред за да го зацврстите мускулот на вратот. Потоа свртете се на другата страна и повторете ја вежбата. Истата треба да ја повторите 5 пати.

4. „Бакнување на жирафа“

Замислете си дека треба да бакнете жирафа или некој кој е многу висок, без да се подигнете на прсти. Испакнете ги усните и така држете од 5 до 8 секунди. Вежбата повторете ја 5 пати.

5. Отпор

Направете две тупаници и ставете ги директно на брадата. Потоа почнете да ја движите брадата надолу вршејќи притисок со тупаниците. Држете 3 секунди, а потоа правете кратка пауза. Вежбата повторете ја 5 до 7 пати.

6. Насмевка

Широко насмевнете се и покажете ги забите со активирање на сите мускули околу усните и вратот. Држете 5 секунди, а потоа отпуштете. Вежбата повторете ја 5 до 8 пати.

7. Подуени образи

Вдишете длабоко и наполнете ја усната шуплина со воздух. Затворете ја устата и истискајте го воздухот надвор со рацете. Повторете ја вежбата 5 до 6 пати.

Н. Г. | Црнобело