Најстарата јога инструкторка обожава вино, а никогаш не пие вода

Веќе подолго време на социјалните мрежи имаме посебен тип на ѕвезди, оние кои се фитнес инструкторки и јога инструкторки кои ни покажуваат како се живее здрав живот.

Но, ниту една од нив не може да се спореди со 98-годишната Тао Порчон-Линч од Хартсдејл, Њујорк.

За разлика од повеќето познати јога инструктори таа носи големи обетки, шарени големи нокти и високи потпетици (освен кога вежба јога) и обожава вино.

Всушност, таа пие само два типа на пијалаци, вино и чај, а никогаш вода.

Заедно со сопругот уште во 1967-та година го основале клубот за вино, „American Wine Society“, а откако тој починал во 1982-та година, Линч станала јога инструктор.

Љубовта кон јогата ја има уште од мала возраст, бидејќи таа е родена во Индија.

Досега имала 3 операции на колковите, но тоа не ја спречува да продолжи да вежба, таа дури го држи и Гинисовиот рекорд за најстар јога инструктор.

Н. Г. | Црнобело