Основни вежби за стегнати и подигнати гради

За да направите градите да ви бидат затегнати и убави не мора да плаќате скапи операции, туку истиот ефект можете да го постигнете со неколку ефикасни и лесни вежби за изведување.

7 вежби за совршени гради:

Вежба број 1

Стиснете ја раката во тупаница и поставете ја на брадата. Вршете притисок на брадата со раката 5 секунди, а потоа 5 секунди релаксирајте се. Вежбата повторете ја 2 до 3 пати.

Вежба број 2

Поставете ги рацете залепени една до друга, на градите и почнете да вршите притисок додека не почувствувате затегнување на пекторалните мускули (градни мускули). Истовремено, не заборавајте да бидете исправени за притисокот да биде еднаков на сите страни. Држете притискајќи 10 секунди, а потоа релаксирајте се 5 секунди. Вежбата повторувајте ја 3 пати.

Вежба број 3

Склековите помагаат да ги зацврстите пекторалните мускули, па добро е и нив да ги практикувате. Ако сте почетник, подобро е да започнете со склекови на коленици. Поставете ги рацете колку можете пораширени, а нозете превиткајте ги една позади друга. Вежбата повторете ја во 3 сета од по 12 до 15 склекови.

Вежба број 4

По склековите, мускулите ќе бидат загреани, па важно е да се истегнете. Легнете на стомак, фатете ги нозете за зглобовите и држете така притискајки нагоре 20 секунди, а потоа направете пауза од 10 секунди. Вежбата повторувајте ја 3 пати.

Вежба број 5

Застанете покрај ѕид на оддалеченост од околу половина метар, исправете ги рацете и поставете ги дланките во тупаници така да се допираат на ѕидот. Почнете да се движите нанапред вршејќи притисок на мускулите на градите. Вршете притисок околу 20 секунди, а потоа направете пауза од 10 секунди. Вежбата повторете ја 3 пати.

Вежба број 6

Легнете на топка со тегче над градите и наизменично тегчето подигнувајте го и спуштајте го. Вежбата повторете ја 8 пати по 3 сета. Тегот најдобро е да има барем 8 килограми.

Вежба број 7

Уште една вежба која ве истегнува и дава убав облик на градите е подигнување на тегови. Застанете исправени нанапред, навалете ги малку колената, а грбот исправете го. Почнете да подигнувате тегови од надоле кон нагоре како на сликата. Вежбата повторете ја во 2 сета од 12 повторувања.

Н. Г. | Црнобело