Зошто вежбањето во теретана не е добро за намалување на целулитот?

Интензивно вежбате, но целулитот и понатаму стои на вашето тело? Не се обесхрабрувајте, бидејќи многу е веројатно дека не ги изведувате правилните вежби за таа намена. Кога вежбате, вашите мускули произведуваат млечна киселина, која со своето присуство учествува во создавањето на целулит.

zoshto-vezhbanjeto-vo-teretana-ne-e-dobro-za-namaluvanje-na-celulitot-001.jpg

За да можете да се изборите против целулитот, потребно е да правите аеробни вежби, односно оние кои се долготрајни, но со низок интензитет и слаб напор на мускулите. Тука спаѓаат брзото одење, трчањето, возењето велосипед, пливањето и планинарењето. При овие активности, мускулите произведуваат мали или занемарливи количини млечна киселина.

Почитувајте ги ограничувањата

Млечната киселина настанува во текот на мускулната активност. За време на гореспоменатите активности, се зголемува и пулсот, а со тоа и потребата за кислород, кој е погонско гориво за функционирање на секој мускул од нашето тело.

Затоа е потребно во текот на вежбањето да го користите само расположливиот капацитет на вашиот организам. Со секое претерано оптоварување на мускулите, создавате повеќе млечна киселина и тогаш кислородот не може да ги задоволи потребите на мускулите.

По ваква активност, освен што ќе бидете преморени и ќе имате болки, го ослободувате и патот на целулитот. Поради насобраната млечна киселина, правилната циркулација е спречена и со тоа не сите клетки се снабдуваат со доволно кислород.

Забрзајте го крвотокот

За да го направите ова, потребно е да имате секојдневна физичка активност во границите на вашите можности. Кога телото е во состојба на одмор, физиолошката активност се одвива побавно и нема правилно распоредување на хранливите резерви.

Само со вежби за загревање и истегнување, ќе успеете да го стимулирате крвотокот, а со тоа и да ги снабдите сите клетки со доволно кислород. Постојаната активност го забрзува и регенерирањето на мускулните ткива, а со текот на времето, се намалува и слојот на целулит.

Предлози за активност со кои резултатите ќе бидат видливи по еден до два месеца

Прва недела: Практикувајте брзо одење еден ден во неделата во траење од 25 минути. Потоа, уште два дена одете брзо 30 минути.

Втора недела: Еден ден 25 минути лесна прошетка и 10 минути брзо одење. Втор ден 10 минути лесна прошетка, 15 минути брзо одење и уште 10 минути со среден интензитет. Третиот ден одете брзо 45 минути.

Трета недела: Повторете го првиот ден од минатата недела. Во вториот ден практикувајте по 15 минути одење со средно темпо, 15 со брзо, па уште 15 повторно со средно. Во третиот ден додајте по уште пет минути на секоја од претходните секвенци од вториот ден.

Четврта недела: Првиот ден пешачете 30 минути со бавно темпо. Вториот ден одете 20 минути со среден ритам, уште 20 со брз и потоа повторете 20 минути средна брзина. Третиот ден веќе ќе можете да испешачите 40 бавни минути, 15 брзи и за крај, уште 10 бавни.

Во останатите денови од неделата не останувајте пасивни во никој случај. Пешачете секогаш кога можете, релаксирајте се со планинарење или пливање, или пак возете велосипед. Веќе по првиот месец можете да трчате со бавен до среден интензитет, во склад со вашите можности и капацитети.

Е. Д. | Црнобело

Би можело да ве интересира:

„Една недела ги правев интензивните вежби на Меган Фокс – што ми се допадна, а што не?“ „Ова е мошне ефективен начин на вежбање и лесно може да се вклопи во густиот рас...
10 секојдневни навики кои ќе ви помогнат да се движите повеќе (и да направите 10.000 чекори) Одете на работа пеш или симнете се неколку станици порано, искористете ја паузат...
Научно докажани трикови со кои ќе согорите калории во текот на денот Аромата на ванила ја „убива“ желбата за благо поради што ќе внесете помалку кало...

Најчитани неделава

sonovnik-sidebar.jpg