Секојдневни нешта кои ги правите, а кои важат како физички вежби

Вежбањето и динамичниот начин на живеење често не „одат“ рака под рака, но веројатно вие веќе доволно вежбате, само треба да обрнете повеќе внимание на тоа.

На пример, со секојдневните активности како што се одењето до продавница, шетањето во маркет, чистењето дома и слични активности, вие веќе остварувате половина од препорачаната доза на дневна физичка активност.

Затоа, немајте грижа на совест доколку во некои денови не стигнете да отидете во фитнес-сала или на тренинг, особено ако правите некоја од овие активности:

Пазарување во маркет

Со самото тоа што ја буткате количката, се кревате на прсти за да земете од горните полици, потоа клекнувате за да земете од долните, па се предомислувате и се враќате, вие правите добар дел од препорачаната физичка активност.

Танцување

Не ви е потребен тренер за ова. Сигурно во текот на денот се развеселувате и танцувате на некоја песна. Сега, кога веќе знаете, правете го тоа поинтензивно.

Чистење на подот

Без разлика дали чистите со правосмукалка или џогер, вие имате физичка активност. Темелноста во чистењето исто така додава на ефективноста врз раздвижувањето.

Имате секс

Сексот има многу здравствени и физички бенефити, а и сам по себе бара активност и кондиција. Додека имате секс, вие всушност имате активност еквивалентна на лесна прошетка.

Грижа за градината

Градината од вас бара да клекнете, да станете, да се поткачите на нешто повисоко и овие активности да ги повторите неколкупати. Сосема легитимна физичка активност.

Свирење инструмент

Професионалните музичари поминуваат многу време во стоење, свирење и притоа се потат и губат многу калории. Применете го тоа и вие, за вкупен ментален и физички ефект.

Е. Д. | Црнобело