Вежби кои ги олеснуваат симптомите на дискус хернија


Вежби кои ги олеснуваат симптомите на дискус хернија

Болките и немоќноста кои доаѓаат заедно со дискус хернијата може да бидат тешки и да ја доведат до состојба на очај личноста која страда.

vezhbi-koi-gi-olesnuvaat-simptomite-na-diskus-hernija-01.jpg

Дискус хернијата е слабеење на 'рскавично-желатинското јадро што се наоѓа меѓу 'рбетните прешлени.

Токму овие дискови помагаат 'рбетот да биде флексибилен, а кога се случува дискус хернијата, поради нивно слабеење, се појавуваат несакани болки, проблеми со држењето, па дури и вкочанетост и привремена парализа.

Добрата вест е што можете лесно да си ги олесните болките и симптомите со помош на вежби:

Истегнување на колковите

Легнете на грб на тврда подлога и десното колено свиткајте го кон градниот кош. Со помош на ремен или марама опфатете го стапалото и исправете ја ногата нагоре, додека не почувствувате затегнување. Задржете максимум 30 секунди, па повторете го процесот и со левата нога.

vezhbi-koi-gi-olesnuvaat-simptomite-na-diskus-hernija-02.jpg

Седење со прекрстени нозе

Седнете на земја со грбот потпрен за ѕидот. Свиткајте ги колената, односно седнете „крс-нозе“, со тоа што прво зглобот од десното стапало ќе го потпрете врз левото колено, а по 30 секунди ќе ја смените положбата со спротивната нога.

Прекрстени нозе додека лежите

Легнете на грб на тврда подлога. Ова е варијанта на претходната вежба. Свиткајте ги нозете најмногу колку што можете и потоа десниот глужд префрлете го преку левото колено. По 30 секунди, сменете ја ногата.

vezhbi-koi-gi-olesnuvaat-simptomite-na-diskus-hernija-03.jpg

Истегнување на 'рбетот

Ова е доста потешка вежба, но можете да се обидете. Опфатете висока греда, шипка или гранка од дрво и ако треба застанете на нозе и истегнете се убаво. Со ова го ослободувате долниот дел од 'рбетот. Останете така колку што можете подолго. Во понапредната фаза од совладувањето на вежбата можете дури и да „висите“ за уште поефикасно истегнување.

Вежби кои треба да ги избегнувате

Избегнувајте да кревате нозе додека лежите, бидејќи многумина наместо да ги користат стомачните мускули за таа вежба, си помагаат со колковите. Не се наведнувајте со торзото нанапред, туку правете го тоа со клекнување. Исто така, одреден временски период избегнувајте трчање.

Е. Д. | Црнобело

Би можело да ве интересира:

Вежби за рамен стомак и тенка половина кои може да ги правите без да с... За да го донесете телото во одлична форма пред летото, треба да се потрудите око...
Вежби за истегнување препорачани од балерините Да се биде еластична личност не е лесно, а дел од луѓето во светот имаат и генет...
3 совети како да вежбате здраво без да го истоштувате организмот Вежбањето е една од најважните навики со кои го одржуваме нашето тело во добра ...