5 вежби за тенка половина со кои може да почнете да се подготвувате за лето

Се прејадовте за време на продолжениот викенд и сфативте дека е време да поработите на телото за ова лето?

Ова е периодот кога полека сите почнуваат да се освестуваат дека е време да се фокусираат на изгледот и почнуваат со диети и физички активности.

Секако, за да постигнете резултат до лето, мора да бидете упорни и да се трудите да одржувате добар баланс помеѓу исхраната и вежбањето.

Покрај многуте други вежби ве потсетуваме на уште неколку кои ќе ви помогнат да добиете тенка половина.

Вежба 1

Легнете на земја, свиткајте ги нозете во колената и поставете ги малку пошироко ор рамената, а рацете исправете ги покрај телото.

Издишете и туркајте се со горниот дел на телото кон лево обидувајќи се да ја допрете левата пета со левата рака. Останете во оваа позиција неколку секунди.

Полека враќајте се во почетна положба и вдишете. Повторете на десната страна.

Направете ја вежбата 30 пати наизменично.

Вежба 2

Поставете ги подлактиците на земја со лактите во линија со рамената. Рамениците треба да ви видат раширени, а рацете во паралелна положба со телото.

Држете го телото исправено како на илустрацијата од глава до пети и стојте во оваа положба 20 секунди.

Вежба 3

Застанете со нозете поставени во ширина на колковите и ставете ги рацете зад глава.

Истовремено кревајте ја левата нога и спуштајте ја десната рака така што лактот ќе го носите кон коленото.

Вратете се во почетна положба и повторете со десната нога и левата рака.

Направете ја вежбата 30 пати наизменично.

Вежба 4

Легнете на грб и раширете ги рацете како на сликата. Кренете ги нозете и свиткајте ги колената под агол од 90˚.

Потоа двете нозе заедно виткајте ги кон лево, така што горниот дел од телото ќе ви биде исправен. Останете во оваа положба неколку секунди, па вратете се во почетна и повторете на другата страна.

Направете ја вежбата 30 пати.

Вежба 5

Застанете во кучешка положба и поставете ги дланките на земја во линија со рамената.

Без да го мрдате цело тело, подигнете ја наназад десната нога, така што ќе ја свиткате во коленото и правете движења со ногата како да клоцате.

Држете ги вратот и главата исправени, со лицето свртено надолу.

Повторете ја вежбата 20 пати со двете нозе.

М. М. | Црнобело