Дознајте нешто повеќе за 8-те гранки на јогата

Денес јогата е навистина популарен метод за наоѓање на внатрешниот мир и справување со анксиозноста. Можеби најефикасниот вид јога е Патанџали аштанга јога.

Овој вид јога се смета како најважен во многу програми за тренинзи во Индија, но постојат тренинзи со повеќе видови јога како хата, аштанга, кундалини и слично.

Што значат 8-те гранки на јогата?

8-те гранки на јогата се пат познат како аштанга (ашта – 8 и анга – гранка).

Осумте гранки создаваат структура во вежбањето јога и се верува дека практикувањето на сите е пат кон просветлување.

Која е значајноста на 8-те гранки на јогата?

Гранките на јогата се сметаат за водичи за живеење значаен живот. Тие се како дисциплини или чекори кои водат до просветлување. 8-те гранки на јогата му нудат исполнетост на човекот со достигнување на божественост и духовност.

Кои се 8-те гранки на јогата?

Јама

Јамата е чекор кој се однесува на ограничувањата и се фокусира на она што не треба да правите. Воглавно се опфатени етичките и моралните стандарди. Станува збор за третманот што им го давате на другите и следи универзални морални правила. Постојат 5 елементи што ја сочинуваат гранката јама.

- Ахимса, или ненасилство: Ова значи да бидете сочувствителни кон другите суштества во секоја околност. Важно е да бидете добри и пријателски настроени, дури и во вашите мисли и соништа.

- Сатја, или искреност: Како што кажува името, сатја се однесува на искреноста. Причината е што која било комуникација што не е заснована на вистина, не води никаде.

- Астеја, или некрадење: Оваа дисциплина ве учи дека не треба да поседувате ништо што не ви припаѓа вам. Астеја учи да не земате ништо, освен ако не ви е дадено. Користењето или земањето нешто без дозвола од сопственикот е неприфатливо. Истото важи и за нематеријалните нешта.

- Брахмачарја, или воздржување: Многумина сметаат дека ова значи никогаш да не стапите во брак. Но, тоа е погрешно. Целта на дисциплината е да ве научи да не бидете самоцентрирани и да знаете да се воздржувате.

- Апариграха, или нелакомост: Целта на оваа дисциплина е да ве научи да ја напуштите алчноста за материјалните нешта. Односно, треба да го земате само она што ви е неопходно за живот, наместо да почнете да собирате непотребни работи.

Продолжува на следната страница...