6 активности со кои ќе ослабете ако не сакате вежбање и трчање

Веќе знаете дека доколку сакате да ослабете, во распоредот морате да вклучите и време за вежбање. Најчестиот избор на луѓето кои сакаат да се справат со вишокот килограми е трчањето. Но иако е ефикасно, трчањето не е спорт за секого.

Доколку и вам оваа активност ви предизвикува тешкотии, можете да ја замените со некоја од активностите во продолжение:

Скокање на јаже 

Можеби ова ви изгледа како детска игра, но со само еден час скокање можете да согорите и до 1.000 калории. Се разбира, ова зависи од вашата тежина и интензитетот на вежбање.

Доколку сакате да почнете со скокање на јаже, немојте да се обидувате да вежбате цел час без прекин. Најдобро е да го поделите вежбањето во неколку серии помеѓу кои ќе имате одмор од околу 5 минути.

Пливање

Со пливањето можете да согорите и до 800 калории на час. Пливањето е можеби најдобриот спорт за слабеење и е одличен за оние кои не можат да го поднесат трчањето. Покрај тоа, со пливањето ќе ги активирате сите мускули на вашето тело.

Возење велосипед

Возењето велосипед е одлично за срцето, белите дробови и крвните садови. Покрај тоа, можете да го користите велосипедот како средство за транспорт, па да вежбате додека одите некаде.

Скокање на трамбулина

Ова е уште една навидум детска активност со која можете да согорите и до 600 калории на час. Иако трамбулината не е најпрвиот избор за вежбање, може да ви помогне во процесот на слабеење. Во овој случај, се разбира, внимавајте на вашата безбедност.

Веслање

Со веслањето ќе ги активирате сите големи мускулни групи и ќе согорите и до 700 калории на час. Овој спорт е совршен за топлите летни денови, а без сомнение ќе се забавувате.

Јога

Јога вежбите се одлични за зголемување на флексибилноста, подобрување на држењето на телото, зајакнување на мускулите, но и за слабеење. За поинтензивен тренинг пробајте аштанга или винјаса јога.

Танцување

Покрај слабеењето, танцувањето ќе ви помогне да се ослободите од стресот, да го подобрите држењето на телото и да го подобрите целокупното здравје.

Можете да се запишете на часови за танцување, но и секогаш можете да си ја пуштите омилената песна и да танцувате во домот.

Спирова С. | Црнобело