6 најлоши места за чување на мобилниот телефони додека трчате

Ако прашате пет различни луѓе каде ги чуваат своите мобилни телефони додека трчаат, веројатно ќе ви откријат многу различни методи за чување на нивните телефони.

Некои тркачи одат чекор понапред, тврдејќи дека никогаш не го носат мобилниот телефон додека трчаат, туку уживаат во рутата и пејзажот што ги опкружува. Во секој случај, постојат погрешни и правилни начини да го чувате вашиот телефон додека трчате.

Иако веруваме дека веќе сте пробале повеќе од неколку начини, ова се 6 најлоши места за чување на мобилниот телефони додека трчате:

Во рака. Држењето мобилен телефон во рака, додека трчате, може да биде брз и лесен начин да се сликате, но не постои ниту една друга предност на овој метод, претежно е само одвраќање.

После некое време, раката ќе започне да ви се грчи. Ако паднете некаде, најверојатно ќе го уништите и вашиот телефон.

Закачен на шорцови. Сигурни сме дека многумина веќе го пробале овој метод и откриле дека телефонот нема да остане на посакуваното место долго време. Во најдобар случај ќе заврши во вашата долна облека, во најлош случај на земјата.

Во спортски градник. Да, спортски градник изгледа како логично место за чување на мобилен телефон. Доволно е истиот да е цврст и телефонот сигурно нема да испадне од него.

Сепак, подрачјето околу градите се поти и може сериозно да му наштети на вашиот телефон.

Во џебот. Џебот на вашата тренерка за трчање не е дизајниран да го држи телефонот. Спортските тренерки обично имаат мали џебови. Ако успеете да го ставите телефонот во вашиот џеб, веројатно ќе се судира со вашата кожа, што е непријатно.

На раката. Појаси за раце се најдобриот избор за чување на мобилни телефони, но сè повеќе тркачи бараат алтернативи за ваквите појаси, бидејќи се непријатни. Скокаат со секој чекор и секогаш треба да се исправат и адаптираат за да не се лизнат од раката.

Истите не се многу практични, што се однесува до пристапот, бидејќи отстранување на мобилен телефон со една рака е потешко отколку што изгледа.

Во чорапи или чевли. За некои, ова може да изгледа како добра идеја, но поверојатно е дека ќе предизвика повеќе проблеми отколку бенефиции. Со секој чекор ризикувате мобилниот телефон да ви падне.

Каде е безбедно да се чува мобилниот телефон?

Торба со појас дизајнирана за носење на вашиот мобилен телефон. Постојат бројни модели на вакви торби, одберете го моделот што ќе ви одговара најдобро.

Голем и безбеден џеб блиску до вашето тело. Овој џеб е специјално дизајниран за тркачи и други спортисти. Доволно се големи за во нив да чувате клучеви, пари или кредитна картичка, покрај телефонот.

Ашера | Црнобело