Кои спортови и видови вежби се најдобри за менталното здравје?
Спонзорирано од:
Спонзорирано од ОгласиЗаРабота.мк
Doktor 03-06-2020


Кои спортови и видови вежби се најдобри за менталното здравје?

Факт е дека физичката активност има добро влијание врз целокупното здравје.

kako-sportuvanjeto-i-raznite-vidovi-vezhbi-go-podobruvaat-mentalnoto-zdravje-01.jpg

Спортувањето и вежбањето се препорачуваат за луѓето кои имаат проблеми со менталното здравје. Можеби не како лек, но како алатка за ублажување на симптомите.

Во продолжение погледнете како разните спортови и видови вежби го подобруваат менталното здравје:

Трчање

Трчањето е можеби најлесната физичка активност за почетници. Не ви е потребна речиси никаква опрема и можете да се движите со ваше темпо.

Штом ќе го поминете тешкиот почетен период и ќе го направите трчањето навика, ќе почнувате да ги чувствувате и позитивните ефекти врз менталното здравје.

Аеробните вежби како трчањето докажано ги ублажуваат симптомите на депресија и анксиозност. Истовремено, го поттикнуваат лачењето ендорфини кои го подобруваат расположението.

Трчањето ги подобрува и фокусот и квалитетот на сонот.

Сепак, доколку дома немате лента за трчање или друга справа за вежбање, периодов најдобро прескокнете го трчањето и фокусирајте се на друга активност.

kako-sportuvanjeto-i-raznite-vidovi-vezhbi-go-podobruvaat-mentalnoto-zdravje-02.jpg

Јога

Редовното вежбање јога може да има позитивно влијание врз расположението, менталното здравје и емоционалната состојба.

Јогата е активност со помал интензитет, и со тоа ве релаксира.

Истовремено, јогата, во комбинација со медитација, може да ви помогне да се справите со стресот, да се релаксирате и за миг да избегате од секојдневието.

Најдоброто од сè што можете да вежбате дома, без никаква опрема – нешто што е одлично за моменталната ситуација.

kako-sportuvanjeto-i-raznite-vidovi-vezhbi-go-podobruvaat-mentalnoto-zdravje-03.jpg

Зумба

Зумбата е аеробна активност која стана навистина популарна.

Најчесто, зумба се вежба во група, со придружба на музика – комбинација што го подобрува расположението.

Се разбира, не ви е потребна цела група луѓе за да вежбате зумба. Денес можете да најдете безброј видеа на YouTube и да вежбате сами дома.

Ефектот ќе биде ист, бидејќи која била активност придружена со „весела“ музика речиси веднаш го подобрува расположението.

kako-sportuvanjeto-i-raznite-vidovi-vezhbi-go-podobruvaat-mentalnoto-zdravje-04.jpg

Вежби со тегови

Ако се обидувате да го зајакнете телото, вежбите со тегови се задолжителни.

Но, покрај позитивното влијание врз мускулите, вежбањето со тегови може да ги ублажи симптомите на анксиозност и депресија. Истовремено, овие вежби ја зголемуваат самодовербата.

И за овие вежби нема потреба да го напуштате домот. Можете да си набавите тегови со маса погодна за вас и искористете ја моќта на интернетот за да најдете некоја програма за домашно вежбање.

kako-sportuvanjeto-i-raznite-vidovi-vezhbi-go-podobruvaat-mentalnoto-zdravje-05.jpg

Спирова С. | Црнобело

Би можело да ве интересира:

6 вежби за истегнување на телото заради кои нема да молите за масажа Дали и вие сте од оние кои постојано чувствуваат болка во телото и здрвеност, па...
Вежби за рамен стомак и тенка половина кои може да ги правите без да станете од столче За да го донесете телото во одлична форма пред летото, треба да се потрудите око...
Вежби кои може да ги правите со детето за да се вратите во форма по породувањето Мајките со мали бебиња немаат многу време за одење во теретана и враќање на тело...

Спонзорирани линкови: