8 лесни и ефикасни вежби ако сакате да имате тело со секси облини

Во зависност од градбата на телото, кај некои жени има мали вдлабнатини кај колковите. Важно е да знаете дека ова е сосема нормално и генерално зависи од типот на вашето тело.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-01.jpg

Но ако сакате вашите колкови да бидат позаоблени, постојат многу вежби што можат да ви помогнат на здрав начин да ја постигнете целта.

Како што напоменавме, малите вдлабнатини на колковите се најприродно нешто, но ако сепак сакате позаоблен изглед, дајте им шанса на овие вежби:

Вежба 1

Застанете „на сите четири“ со дланките поставени веднаш под рамената, а колената поставени во линија со колковите. Стегнете го задникот.

Подигнете ја едната нога странично, притоа држејќи го коленото свиткано под прав агол.

Вратете се во почетната положба, па направете 20-30 повторувања. Повторете ја вежбата и со другата нога.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-02.JPG

Вежба 2

Застанете исправено со нозете раширени колку рамената. Потпрете ги дланките на колковите.

Направете чекор назад со едната нога и спуштете го коленото до подот, но не го допирајте. Другата нога треба да биде свиткана под прав агол.

Вратете се во првобитната положба и внимавајте грбот да ви биде исправен.

Направете по 12 повторувања со едната па со другата нога.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-03.JPG

Вежба 3

Застанете исправено со нозете раширени колку рамената. Држете го грбот исправен и спојте ги дланките пред градите.

Малку навалете ја едната нога, а другата кренете ја странично под агол од околу 45 степени.

Вратете се во првобитната положба, па повторете. Направете 10-15 повторувања со секоја нога.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-04.JPG

Вежба 4

Застанете исправено со нозете раширени колку рамената и исправете го грбот. Спојте ги дланките пред вас, а можете да ги ставите и на колковите.

Стегнете ги стомачните мускули и полека клекнете како да седнувате. Грбот треба да ви биде исправен, а колената не треба бидат понапред од стапалата.

Вратете се во првобитната положба и повторете 10-15 пати.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-05.JPG

Вежба 5

Застанете исправено со доближени стапала, а дланките спојте ги пред вас.

Во исто време направете чекор странично и клекнете како да седнувате.

Исправете се и повторно доближете ги стапалата.

Повторете по 10 пати со секоја нога.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-06.JPG

Вежба 6

Легнете на грб со свиткани нозе, а рацете поставете ги покрај телото. Малку разделете ги стапалата – приближно колку колковите.

Подигнете го задникот од подот и држете се во положбата неколку секунди.

Вратете се во првобитната положба, но овојпат не го допирајте задникот до подот и направете 15 повторувања.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-07.JPG

Вежба 7

Застанете „на сите четири“ – дланките нека бидат во линија со рамената, а колената со колковите. Грбот треба да ви биде исправен.

Стегнете ги мускулите на задникот и полека испружете ја едната нога кон назад. Ногата треба да биде паралелна со подот.

Вратете се во почетната положба, но не го допирајте подот со коленото и направете 12-20 повторувања.

Повторете ја вежбата со другата нога.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-08.JPG

Вежба 8

Легнете странично и потпрете ја главата на раката, а другата ставете ја пред вас (како на илустрацијата). Нозете треба да ви бидат исправени.

Кренете ја горната нога што е можно повисоко и држете ја исправена.

Вратете ја долу, но без да ја допрете со другата нога и повторете ја вежбата 20-30 пати.

Повторете и со другата нога.

8-vezhbi-za-koi-ne-treba-oprema-i-koi-kje-vi-pomognat-da-gi-oblikuvate-kolkovite-09.JPG

Спирова С. | Црнобело

Би можело да ве интересира:

8 чести грешки на кои треба да обрнете внимание кога правите чучнувања за да ги избегнете повредите Го искривувате грбот, не клекнувате доволно, ги кревате петите – сигурно правите...
„Една недела ги правев интензивните вежби на Меган Фокс – што ми се допадна, а што не?“ „Ова е мошне ефективен начин на вежбање и лесно може да се вклопи во густиот рас...
Едноставни вежби со кои ќе ја намалите болката во стапалата + како да ја спречите За да ги намалите болките во стапалата, треба да ги раздвижите, а во продлжение ...

Најчитани неделава

sonovnik-sidebar.jpg