6 вежби за истегнување на канцеларискиот стол, со кои ќе ги намалите болките и вкочанетостa

Работењето во канцеларија си има свои предности, но од друга страна значи и минување голем дел од времето на стол. А, сите знаеме дека постојаното седење може да предизвика низа проблеми, вклучувајќи болки и вкочанетост.

6-vezhbi-za-istegnuvanje-na-kancelariskiot-stol-so-koi-kje-gi-namalite-bolkite-i-vkochanetosta-01.jpg

За среќа, има начин како да се раздвижите додека сте на работа, и тоа без воопшто да станете од вашиот стол, секако доколку не работите со клиенти.

Во продолжение шест едноставни вежби за истегнување кои можат да направат голема разлика:

Прва вежба

Оваа вежба е одлична за вратот и ’рбетот – деловите од телото кои страдаат најмногу кога минуваме многу време во седење.

  • Седнете на столот и навалете се наназад. Стапалата треба да се целосно на подот.
  • Фатете ги дланките една со друга зад вас. Истегнете ги рацете кон назад, малку подигнете ги градите и останете во положбата 10-тина секунди.

6-vezhbi-za-istegnuvanje-na-kancelariskiot-stol-so-koi-kje-gi-namalite-bolkite-i-vkochanetosta-02.jpg

Втора вежба

Со оваа вежба ќе ги истегнете колковите. Кога седиме долг период, можно е да се почувствува вкочанетост во овој дел од телото, а некогаш и болка.

  • Седнете на столот со исправен грб. Едното стапало треба да биде целосно на подот, а другото ставете го врз спротивното колено (како на фотографијата).
  • Бавно наведнувајте се кон напред со испружени раце, додека да почувствувате истегнување во надворешниот дел од колкот.
  • Држете 10-тина секунди, па повторете со другата нога.

6-vezhbi-za-istegnuvanje-na-kancelariskiot-stol-so-koi-kje-gi-namalite-bolkite-i-vkochanetosta-03.jpg

Трета вежба

Ако чувствувате болка или вкочанетост во половината, оваа вежба може да ви биде од голема корист.

  • Седнете исправено на столот и поставете ги стапалата целосно на подот. Ставете ја левата рака на потпирачот зад вас, а со десната допрете го левото колено од надворешната страна.
  • Потоа, со помош на рацете завртете се кон лево додека не почувствувате истегнување кај грбот и половината.
  • Држете 10-тина секунди, па повторете на другата страна.

6-vezhbi-za-istegnuvanje-na-kancelariskiot-stol-so-koi-kje-gi-namalite-bolkite-i-vkochanetosta-04.jpg

Четврта вежба

Ова е одлична вежба за истегнување на плешките и мускулите на горниот дел од грбот. Вкочанетост и болката во овој дел од телото се појавуваат од долго седење, но и поради лошо држење на телото, а неретко и стрес.

  • Седнете на столот и со исправен грб навалете се на потпирачот. Кренете ја десната рака, префрлете ја преку главата и поставете ја дланката на левото уво.
  • Нежно повлечете ја главата кон десно со десната рака.
  • Важно е да ја изведувате вежбата многу нежно и многу бавно, но и да престанете со влечење на главата штом ќе почувствувате и најмало истегнување.
  • Држете 10-тина секунди и повторете на другата страна.

6-vezhbi-za-istegnuvanje-na-kancelariskiot-stol-so-koi-kje-gi-namalite-bolkite-i-vkochanetosta-05.jpg

Петта вежба

И мускулите на нозете страдаат кога го минуваме целиот ден во седење, па немојте да ја прескокнете оваа вежба.

Со оваа вежба ќе ги истегнете мускулите на предниот дел од нозете, но и стапалата.

  • Седнете на работ од столот. Едната нога цврсто поставете ја на земјата, а другата фатете ја со раката, како на фотографијата. За поголема рамнотежа, слободно држете се за бирото со другата рака.
  • Влечете го стапалото кон задникот додека не почувствувате истегнување во мускулите на кренатата нога.
  • Држете 10-тина секунди, па повторете со другата нога.

6-vezhbi-za-istegnuvanje-na-kancelariskiot-stol-so-koi-kje-gi-namalite-bolkite-i-vkochanetosta-06.jpg

Шеста вежба

Со оваа вежба ќе го раздвижите внатрешниот дел на колковите, како и задните мускули на ногата.

  • Седнете исправено на столот – стапалата треба да ви бидат целосно поставени на подот.
  • Со двете раце фатете го едното колено и бавно повлечете ја ногата кон вас додека да почувствувате истегнување на мускулите.
  • Држете 15 секунди, па повторете со другата нога.

6-vezhbi-za-istegnuvanje-na-kancelariskiot-stol-so-koi-kje-gi-namalite-bolkite-i-vkochanetosta-07.jpg

Спирова С. | Црнобело

Би можело да ве интересира:

Како да ја намалите болката во мускулите по тренинг? Немојте секој ден да вежбате со тегови, а по тренингот испијте чаша чоколадно мл...
Најдобрата вежба за топење на целулит на задникот (видео) За оваа вежба не ви е потребна никаква опрема, само легнете на подот и започнете...
Вежби за истегнување кои ќе ве спасат од болки во телото и вкочанетоста заради долго седење Можете значително да ги намалите болките и вкочанетоста во грбот, вратот, нозете...

Најчитани неделава

sonovnik-sidebar.jpg