7 чести грешки во теретана поради кои не гледате резултати (и го зголемувате ризикот од повреди)

Ако не ги поставите рацете правилно кога правите склекови, не само што нема да забележите ефект, туку може и да се повредите.

7-chesti-greshki-vo-teretana-poradi-koi-ne-gledate-rezultati-i-go-zgolemuvate-rizikot-od-povredi-01.jpg

Ако сте почетник во теретана, нормално е да правите некои грешки при изведувањето на вежбите. Но, овие грешки можат да ја намалат ефикасноста на вежбите, па дури и да го зголемат ризикот од повреди.

Ако не сте сигурни дали правилно изведувате некоја вежба, секогаш можете да прашате некој поискусен.

А, можете и да обрнете внимание на следниве чести грешки:

Погрешно ја распоредувате тежината на стапалата кога правите чучнувања

Чучнувањата се една од најефикасните вежби за затегнување на задникот, но нема да видите некој значителен резултат ако не обрнете внимание на распоредувањето на тежината.

Кога правите чучнувања, треба да ја распоредите тежината на целото стапало, не само на прстите или на петата.

7-chesti-greshki-vo-teretana-poradi-koi-ne-gledate-rezultati-i-go-zgolemuvate-rizikot-od-povredi-02.jpg

Носите погрешен модел на патики кога правите вежби за нозе

Кога трчате, нормално, треба да носите патики за трчање.

Но кога правите вежби за нозе со тегови и во статична положба, многу подобар избор се патики со рамен ѓон.

Ако не можете да купите нов пар, периодов доста популарно е и вежбањето без обувки за кое многумина велат дека помага во одржувањето рамнотежа.

7-chesti-greshki-vo-teretana-poradi-koi-ne-gledate-rezultati-i-go-zgolemuvate-rizikot-od-povredi-03.jpg

Не ги држите теговите правилно

Многу е важно како го држите тегот или шипката кога вежбате.

Ако ги држите како илустрацијата лево, покрај тоа што создавате непотребен притисок на раката, постои опасност тегот да ви се лизне и да се повредите.

Секогаш држете ги теговите (или шипката од големите тегови) како на илустрацијата десно.

7-chesti-greshki-vo-teretana-poradi-koi-ne-gledate-rezultati-i-go-zgolemuvate-rizikot-od-povredi-04.jpg

Погрешно го држите телото кога се кревате на шипка

Кога се кревате на шипка, не треба да пробувате да ги кренете рамената над неа. Во овој случај постои опасност да ги повредите.

Наместо тоа, треба да се навалите малку кон назад и да ги доближувате градите до шипката.

7-chesti-greshki-vo-teretana-poradi-koi-ne-gledate-rezultati-i-go-zgolemuvate-rizikot-od-povredi-05.jpg

Го искривувате грбот кога правите „планк“

Иако може да биде навистина тешка, оваа вежба истовремено активира многу мускули, но само ако ја изведувате правилно.

Кога ќе застанете во положбата, грбот и нозете треба да формираат права линија. Односно, немојте да го кревате задникот или да го искривувате грбот.

7-chesti-greshki-vo-teretana-poradi-koi-ne-gledate-rezultati-i-go-zgolemuvate-rizikot-od-povredi-06.jpg

Кревате тегови со исправени раце

При страничното кревање тегови, рацете не треба да ви бидат исправени.

Вежбата ќе биде многу поефикасна ако малку ги свиткате лактите. Притоа, немојте да ги кревате теговите над рамената, а можете и малку да ги свиткате нозете.

7-chesti-greshki-vo-teretana-poradi-koi-ne-gledate-rezultati-i-go-zgolemuvate-rizikot-od-povredi-07.jpg

Погрешно правите склекови

Кај склековите, најважна е поставеноста на рацете.

Ако ги поставите како илустрацијата најдесно, нема да постигнете некаков ефект и можете да ги истегнете мускулите.

Најдобро е рацете да ви бидат поставени под агол од 45 степени во однос на телото. Можете да ги поставите и поблиску до телото за поголем интензитет.

7-chesti-greshki-vo-teretana-poradi-koi-ne-gledate-rezultati-i-go-zgolemuvate-rizikot-od-povredi-08.jpg

Спирова С. | Црнобело

Би можело да ве интересира:

Вежби за истегнување кои ќе ве спасат од болки во телото и вкочанетоста заради долго седење Можете значително да ги намалите болките и вкочанетоста во грбот, вратот, нозете...
10 секојдневни навики кои ќе ви помогнат да се движите повеќе (и да направите 10.000 чекори) Одете на работа пеш или симнете се неколку станици порано, искористете ја паузат...
8 чести грешки на кои треба да обрнете внимание кога правите чучнувања за да ги избегнете повредите Го искривувате грбот, не клекнувате доволно, ги кревате петите – сигурно правите...

Најчитани неделава

sonovnik-sidebar.jpg