Постојат 7 типа на работници: Во кој спаѓате вие?

Во една компанија постојат најмногу 7 типови на луѓе кои може да ги сретнете. Еден од тие 7, сте токму вие.

Откријте дали колегите ве сметаат за хумористична, намќореста или мрзелива личност.

Тип 1 - Работам напорно

Типот работам напроно, секој ден останува прекувремено сè додека не ја заврши работата целосно.

Не сака многу да разговара, не оди на пауза и е перфекционист. Сака признанија и награди за напорниот труд.

Тип 2 - Мрзлив работник

„Колку помалку, толку подобро“ е мотото на мрзата на работно место.

Овој тип на вработен гледа секогаш со минимален труд  да го помине работното време. Останува незабележан и често ги замолува колегите да ја дозавршат неговата работа. Постојано прашува колку е часот.

Тип 3 - Шегаџија

Овој тип го има во секоја компанија. Секогаш е тука да ве насмее со добра шега или виц.

Нема лоша намера, но понекогаш заборава дека всушност се наоѓа на работното место и треба да се однесува професионално. Може несвесно да му упати невкусна шега на директорот, по навика.

Тип 4 - Принц/ Принцеза

Принцот или принцезата на работното место се омилените личности меѓу колегите. Тие секогаш се мили, имаат совршен стајлинг и се нудат за помош.

Најчесто му се умилкуваат на шефот и бараат индиректно покачување на платата.

Тип 5 - Набљудувач

Не зборува, не се интересира за најновите трачеви и не обожава да е во друштво. Седи на своето биро и ја работи зададената задача.

Одвреме на време ќе фрли поглед кон вработените, гледа што прават, за подоцна да ги поткаже на шефот.

Тип 6 - Озборувач

Спротивно од набљудувачот, озборувачот е насекаде. Секогаш има да каже нешто за секого.

Ги знае најновите трачеви и секогаш ќе ви каже се што сака во лице. Доколку се повлече на некое време од неговата функција на озборувач значи дека сте ги повредиле неговите чувства.

Тип 7 - Импровизиран шеф

Секаде постои овој импровизиран шеф. Тој иако е на пониска функција од вашата секогаш мисли дека е во право и си дава за право да ви наредува.

Ги нервира сите со своето однесување, а кај вистинскиот шеф е мирен како маче.

Каде се пронајдовте?