Новогодишна забава во канцеларија: Што да носите и како да се однесувате?

Празниците се поврзуваат со јадење, пиење и веселба, но понекогаш тие можат да бидат покомплицирани отколку што изгледаат.

Ако правите забава во канцеларија опкружени со колегите од работа и вашиот шеф, бонтонот е од суштинско значење. Што да носите, колку да пиете, кога треба да пристигнете...

Ова се некои совети за работната етика кои можат да ви помогнат забавата да помине без големи проблеми.

Што да носите? Не треба да носите ништо премногу тесно или кратко што не би го носеле на работа. Исто така, обидете се да бидете формално облечени.

Кога да пристигнете? Ако забавата вклучува оброк, треба да пристигнете на време. Дури и ако нема формален оброк, се препорачува да се појавите во рамките на првите 15 минути од времето предвидено за почетокот на забавата. Забавување до раните утрински часови, исто така, не се препорачува.

Кого да поканите да дојде со вас? Партнерот или пријателите можеби нема да бидат во можност да присуствуваат на вашата канцеларијска забава. Најбезбедно е да прашате дали смеете да поканувате други луѓе кои не работат со вас на забавата.

Да пиете или не? Ова може да биде незгодно. Ако решите да пиете алкохол на забавата, правете го тоа во умерени количини. Ставете си ограничување за да ја имате контролата.

Што да правите? Озборување на соработници или жалење за работа не е добра идеја. Разговорите нека ви бидат оптимистички и позитивни.

М. А. | Црнобело