Непишани правила за интервју

Која ви е најголема слабост? Најголем недостаток? Најголем неуспех? Најголемо достигнување? Ова се прашањата кои речиси се неизбежни...

 

...на интервју за работа. Тешки или не, ќе мора да се снајдете и да го дадете вистинскиот одговор. Најважно – кога одговарате секогаш бидете позитивни!

Неколку непишани правила:

1. Кога ќе дојде ред да ги кажете вашите недостатоци најдобар начин е да се покажете како позитивна личност која ретко размислува за себе на таков начин. Најдобро е ако успеете мааните да ги прикажете на позитивен начин.

На пример: тврдоглав/а сум но во многу случаи мојата тврдоглавост вродила со резултати. Или – понекогаш знам да претерам со работa.

2. Без суперлативи! Ако кажете НАЈГОЛЕМА слабост тогаш сигурно ќе се запрашаат кои се останатите. Или - најмногу треба да се поправам (дава впечаток дека треба да се корегирате во повеќе работи).

3. Бидете реални! Вашите недостатоци се сосема човечка особина и не треба да ве загрижуваат.  Недостиг на трпение, избувливост, максимално посветување на работата – сето тоа се особини кои ги красат сите млади денес. Не се залажувајте дека ќе најдат совршена личност за позицијата. Верувајте во себе и своите можности!

4. Побарајте мислење од пријателите. Како би ве опишале другите? Ова прашање е меѓу топ 10 најпоставувани прашања на интервју. За да бидете искрени пред да одите на интервју прашајте ги пријателите, колегите, соработниците. Така ќе добиете и пореална слика за себе.

5. Бидете искрени и никогаш нема да погрешите!