Нова формула за поголема продуктивност на работа: Применете го методот 52:17

Сакате да работите поквалитетно и да напредувате на работното место? Најновата формула за успех се крие во паузите.

Колку време всушност работите, а колку време ви одземаат паузите за цигара, прегледувањето Фејсбук, одењето по кафе? Сепак, паузите не се толку лоши ако знаете правилно да ги искористите.

Најновите истражувања покажуваат дека најпродуктивните работници прават паузи, но не премногу често. Тие работат со полна снага 52 минути, па одмараат 17 минути и потоа извршуваат нови задачи од 52 минути и сé така во круг.

Според овие истражувања, многу поквалитетно ќе работите ако паузирате почесто, но пократко, отколку ако правите една пауза за ручек од еден час. Овој метод наречен 52:17 го применувале работници кои покажале најдобри резултати на истражувањата за успешност на работното место.

Оваа техника е слична на техниката „помодоро“ која се користи ако сакате за кратко време да завршите поголема задача.

Наместете го тајмерот на 25 минути и работете сконцентрирано. Штом заѕвони, паузирајте 5 минути, па почнете одново. Повторете го циклусот 4 пати, па одмарајте 15 минути.

М. В. | Црнобело