6 начини на кои ќе ја ослободите креативноста

Дали сте и вие од оние кои имате многу што да раскажете, но не знаете како да го склопите тоа во еден текст, или можеби книга?

Или пак, се обидувате да ги импресионирате вашите колеги со некое креативно решение на проблем? Или креативна идеја која ќе донесе многу корист во работата?

А, можеби само сакате да внесете имагинација и доза креативност во вашето секојдневие.

Ова се неколку докажани начини кои ќе ви помогнат да бидете покреативни и правилно да го насочувате мозокот:

Придушени светла

Според едно германско истражување, откриено е дека гасењето на светлата го намалува попречувањето на мислите, а предизвикува поистражувачки и имагинарен начин на размислување. Па, следниот пат кога ќе размислувате на некои идеи, изгасете ги светлата.

Растурено биро

Во едно истражување, испитаниците биле поделени во неуредна и во средена просторија. Потоа било побарано од нив да смислат нови идеи за пинг-понг топче. Двете групи дошле до сличен број на идеи, но оние кои работеле во несредена просторија имале многу покреативни.

Сепак, ова може да го практикувате во вашето домашно работно катче, не да бидете неуредни пред колегите на работа.

Гледајте во нешто сино

Дали понекогаш сте се почувствувале креативно додека седите на плажа и гледате во сината вода која ве опушта? Според истражувања, сината боја ги подобрува перформансите во креативните задачи. Истражувачите сметаат дека тоа е така бидејќи сината боја ги потсеќа луѓето на небо, море, вода, а тие пак се поврзани со „смиреност, мир, отвореност“.

Па така тоа предизвика поимагинативни чувства и истражувачки мисли. Црвената боја пак, ги подобрува перформансите во задачите кои се ориентирани кон деталите.

Напијте се чаша вино

Според едно истражување, испитаниците кои имале минимално ниво на алкохол во крвта се покажале подобри во креативни решенија на проблеми од оние кои немале воопшто алкохол во нив.

Ова може да биде поради тоа што симболична количина алкохолен пијалак може да го релаксира човекот и го подобрува неговиот фокус, помагајќи да пронајде врска помеѓу нафрлани идеи. Секако, не треба да се претера.

Променете ги секојдневните навики

Ова важи за сѐ па дури и за најбаналните работи како подготовката на вашиот доручек. Пример, ако секогаш ставате прво житарици во сад, па потоа истурате млеко, сега правете го тоа обратно. Или, редете го сендвичот со различен редослед (ставете ги сите состојки во чинија, па лепчето ставете го врз нив и превртете).

Единствената причина за ова е тоа што на овој начин ќе бидете пофлексибилни и отворени кон различни идеи кои ќе го тераат вашиот мозок да ги избегнува секојдневните рутини и да размислува на различен нов начин.

Медитирајте

Благодарение на способноста на медитацијата да ви го подобри расположението, ќе се охрабрите да размислувате на нов и различен начин од кој може да произлезат нови идеи.

Јогата и медитацијата се одлични начини за интровертите да се охрабрат и да ја ослободат креативноста, бидејќи така луѓето се чувствуваат порелаксирано.

М. М. | Црнобело