Креирајте мрежа на контакти

Networking настани има се’ повеќе и ако не ги посетувате може навистина да пропуштите добра можност да запознаете луѓе и да формирате мрежа на контакти.

 

Ако сте еден од оние кои се плашат од вакви средби ова се неколку работи кои треба да ги имате на ум:

1. Обидете се да се појавите сами на една ваква средба/настан. Кога сте со пријатели и колеги создавате еден вид на “облак“ само за вас и разговарате само меѓу себе, за на крај да заминете без нови контакти.

2. Повеќето луѓе после овие бизнис состаноци брзаат да се најадат и напијат на коктелот. Бидете храбри и вмешајте се во толпата. Започнете разговор – што е она што ги довело таму?

3. Колку повеќе средби и настани, колку почесто разговарате со странци, толку повеќе луѓе ќе познавате следниот пат (голема е веројатноста многу од нив да ги сретнете повторно, па ќе ви биде полесно).

4. Ако окружувањето само по себе не е соодветно за запознавање (премногу гласно, пренатрупано со луѓе, малку време...) испланирајте ручек, кафе или средба со останатите пријатели за кои знаете дека може да придонесат во разговорот.

5. Волонтирање на настани е еден од најдобрите начини да го пробиете мразот – имете пристап и до оние кои ги организираат настаните како и до останатите волонтери. Одлична прилика за почеток.

Не заборавајте – контактите и познанствата се оние кои понатаму ќе ве водат низ животот.