Што се случува кога не ја оставате работата дури и кога сте на одмор?

Ако сте од оние кои со душа го чекаат одморот, но не можат да одолеат да го проверат службениот меил, па дури и да се вклучат малку во работата, тогаш можеби имате мал психолошки проблем и треба да размислите навистина да се одморите.

Според наодите на психолозите, дури и ако само половина час работите во текот на денот додека сте на одмор, вие го мамите вашиот мозок и тој воопшто нема да сфати дека всушност, не треба да биде во состојба за работа.

Доколку имате динамична работа, некогаш е потребно да се вклучите, но големи се шансите дека вашите тело и мозок воопшто нема да исперцепираат дека се одмарате, напротив, ќе се однесуваат исто како во работни денови.

Исто така, постои можност дека нема да уживате како на одмор, бидејќи правите активности како и секој друг ден, макар што тоа се случува со намален интензитет.

Можеби во текот на годината сонувате за тие 7, 10 или 15 дена во кои целосно сте исклучени од работата, но кога ќе пристигнете на одмор, сепак проверувате што се случува на работа.

Тоа е уште полесно во денешно време, благодарение на технологијата.

Сепак, доколку не се дистанцирате од работата дури ни во тие седум дена, организмот и понатаму ќе биде изложен на стрес.

Кој е лекот?

Едноставно, понесете го својот паметен телефон, но не и лаптопот. Лаптопите се опасни бидејќи на нив можете лесно да се заработите и да завршите повеќе работи, што не секој мобилен телефон го дозволува тоа.

Навистина, враќањето на меилови и проверката на работата може да биде отежнато преку мобилен телефон, па нема да паднете во замката да работите дури и во деновите за одмор кои законски ги добивате.

Наместо тоа, користете го својот телефон за да ги фотографирате сите убави места кои ги посетувате. Во таков случај, сигурно ќе имате вистински одмор.

Е. Д. | Црнобело