Стравови за кариерата кои ги имаат мајките за време на и по породилното отсуство

Мајките кои се на породилно отсуство често се грижат како ќе ѝ се вратат на работата и како бебето ќе преживее без нив.

Постојат многу опции, меѓу кои и откажувањето од работа за да можат самите да ги чуваат децата, а честите митови уште толку ги збунуваат новопечените мајки.

Еве за што тие најмногу се грижат:

Барањето за породилно отсуство може да биде одбиено

Ова зависи и од начинот на вработување или поминатиот стаж пред почетокот на отсуството. Во секој случај, треба добро да ги знаете вашите права во зависност од вработувањето (со договор на дело, на определено време или на неопределено време и слични) за да можете да знаете и што добивате. Консултирајте се со одговорниот во одделот за човечки ресурси, за да бидете начисто.

Работодавецот може лесно да ве замени

Најчесто, вашиот работодавец нема план Б сè до моментот кога започнува отсуството. За жал, постојат примери во кои отсутниот е заменет со друга личност, но доколку вашата компанија функционира според законите, не би требало тоа да претставува закана за вас.

Можеби ќе треба да работите за време на отсуството

Можете порано да го прекинете породилното отсуство или да работите скратено, но тоа зависи само од вас, а не од работодавецот. Доколку сте ги исполниле потребните законски услови за породилно отсуство, тогаш никој не може да ве принуди да работите во тој период.

Нема да сакате да се вратите на работа

Ова зависи само од вас самите. Доколку сакате да ја градите кариерата, нема да ви биде проблем да се вратите на работа. Но, доколку размислувате да останете дома и да му се посветите на семејството и детето, тогаш внимателно размислете за својата одлука и бидете сигурни дека тоа е она што го сакате.

Ќе бидете помалку продуктивни на работа

Можеби да, а можеби и не. Доколку работите динамична работа во која секој ден има нешто ново, ќе ви биде потребно малку време за да се вратите во колосек. Но, доколку нема некои брзи промени, тогаш уште првиот ден ќе се вратите како што бевте и пред отсуството.

Е. Д. | Црнобело