6 знаци дека треба да го искористите годишниот одмор што поскоро

Високото ниво на секојдневен стрес доведува до ментално и физичко исцрпување. Често грешите, имате болки во телото, имате проблеми со спиење, се изолирате од своите пријатели?

Ова се знаци дека под итно ви е потребен одмор:

1. Колегите ве прашуваат дали сте добро

Другите луѓе веројатно ќе забележат пред вас дека сте под стрес или дека сте нервозни. Ако вашите колеги ви пристапат и ве прашаат „дали е сè во ред?“, тоа може да биде јасен знак дека ви треба одмор.

2. Често грешите

Хроничниот стрес често е причина за грешки на работното место и знак дека треба да застанете. Поради замор ја губиме способноста да се фокусираме на сопствените обврски, кои повеќе не можеме одговорно да ги извршуваме.

3. Сè ве боли

Грбот, главата, очите, стомакот…Кога сме под стрес телото ослободува хемикалии кои ја зголемуваат чувствителноста на телото на болка.

4. Проблеми со спиењето

Несоница или зголемена потреба за спиење поради хроничен замор е, исто така, последица на високо ниво на стрес. Понекогаш проблемите едноставно не ни даваат да спиеме, а понекогаш сме подготвени да го преспиеме денот. 

Ниту една од овие две состојби не е нормална, и двете јасно ни покажуваат дека ни треба одмор.

5. Не ја поднесувате работата

Луѓето кои се под премногу стрес и притисок губат перспектива и не можат да најдат мотивација за работа. Ова не е ништо чудно во денешно време, кога сме совладани од обврските.

Меѓутоа, ако вашата работа ви станува неподнослива, тогаш е време да се одморите.

6. Се изолирате од блиски луѓе

Немате желба да се дружите со вашето семејство и пријателите, ги избегнувате нивните повици и едноставно да не сакате да бидете со други луѓе.

Секој повремено треба време за себе, но целосно избегнување на интеракција со блиски луѓе е знак дека сте „преоптоварени“ од обврските.

Ашера | Црнобело