Секс колумнистка со критики до мажите: „Не се бањаат, па се чудат зошто сопругите не сакаат да имаат односи со нив“

„Сите мажи во брак се жалат дека сопругите не им ги задоволуваат потребите. Сите мои пријателки се жалат на тоа дека нивните сопрузи не водат сметка за личната хигиена“. Со овие зборови, накратко може да се сумира најновиот текст на познатата колумнистка Јана Хокинг.

Јана Хокинг е секс колумнистка која често пишува текстови инспирирани од нејзиниот приватен живот, а во кои со читателките ги споделува своите тајни и сознанија за љубовниот живот.

Таа пишува за најновите трендови во светот, ги испробува триковите за кои девојките тврдат дека им помогнале да го „уловат“ мажот од соништата и секоја недела води час за исповедање на нејзиниот Инстаграм профил, кој е наречен Saucy Secrets Confessional.

Овој пат таа објави колумна во која откри за што најчесто ѝ се жалат мажите во брак и која е најчестата причина заради која одлучуваат да изневеруваат.

„Истата дилема се појавува повторно и повторно од голем број мажи, кои се жалат на истиот проблем.

Тие се чувствуваат фрустрирани затоа што нивните партнерки не сакаат да имаат орален секс со нив.

Да, вистина е. Има голем број бракови во кои партнерите немаат орален секс, а мажите признаваат дека изневеруваат за да си ги задоволат тие потреби на друго место, или пак размислуваат за тоа, а оправдувањето е следно: ‘Кога таа не сака да ми даде, има други што сакаат!’“ – вели Јана.

Но, наместо да ги обвинува партнерките и да застане во одбрана на мажите кои ѝ ги пишуваат пораките, Јана им порача дека треба причините прво да ги побараат во себе.

„Дали сте завршиле сѐ околу домот? Дали сте ѝ помогнале? Дали некогаш сте ги зеле децата за да ѝ овозможите одмор на партнерката?

На жените им треба многу повеќе од тоа некој само да ги удри по задникот и да им рече: ‘Ќе ми дадеш ма...?’ за да бидат расположени за секс“ – нагласува таа.

Таа ја споделува приказната на нејзината пријателка која и во бракот се трудела да се одржува во топ форма, а нејзиниот сопруг целосно се запуштил.

„Во минатото таа веднаш се соблекуваше, а сега се прашува дали се истуширал пред да си легне во креветот.

Тој работи како градежен работник и самата помисла дека цел ден бил на сонце и си дошол дома и очекува акција додека сѐ уште ја носи истата долна облека, е едноставно одвратна“ – вели Јана.

Таа ја раскажа приказната и на друга пријателка која постојано се жалела дека сопругот воопшто не води сметка за личната хигиена и дека од помислата за интимен однос ѝ се гади.

„Затоа другари, мислам дека е време да дојдете до заклучокот дека вие сте главниот проблем“ – порачува колумнистката.

Б. С. Б. | Црнобело