„На 74 години имав најисполнет сексуален живот“: Познатите дами за сексот над 50-тата година

„Еден од најголемите митови е дека ја губите сексуалноста со текот на годините“, вели актерката Глен Клоус (77).

Денес, за разлика од минатото, многу работи се променети. Па, така, 60-тите се новите 45, а 50-тите години се доживуваат како нови 35-ти.

Луѓето го живеат животот во целост и не се откажуваат од различните задоволства, вклучувајќи го и сексот.

Прочитајте што откриваат познатите личности за интимниот живот после 50-тите години:

Салма Хајек, 57 години

„Сексот не е клучот за среќен брак, тоа е нешто што само го дополнува бракот. Иако не е секој ден! Ако тоа се случува секојдневно, сексот го губи својот шарм“.

Шерон Стоун, 66 години

„Мислам дека сексот не зависи од возраста, туку од односот со партнерот. Сексот заради секс сега не ми е интересен. На крајот на краиштата, како што старееме, сакаме гурманска храна, а не брза“.

Глен Клоус, 77 години

„Еден од најголемите митови е дека ја губите сексуалноста со текот на годините. Еден ден отидов дома, беше доцна навечер, а на улица имаше многу парови.

И го почувствував она што го чувствуваат сите овие парови. Ја почувствував нивната возбуда, чувство на интимност што требаше да се случи. Беше исклучително моќно.

Се чувствувам слободна и креативна, секси и желна како и секогаш. И тоа е иронично, зашто си помислувам: ’Колку време ми има останато‘?“

Џејн Фонда, 86 години

„Кога имав 74 години, го имав најисполнетиот сексуален живот од кога било. На крајот на краиштата, кога бев млада имав многу забрани, не знаев што сакам.

Не треба да мислите дека само затоа што сте достигнале одредена возраст, мора да престанете да бидете сексуално активни“.

Сузан Сарандон, 77 години

„Сексот е добар за вашата кожа, нели? За да останете млади и здрави, треба да ги отстраните токсичните работи и токсичните луѓе. Смејте се и имајте секс, ако сте доволно среќни да го најдете тоа“.

М. Ѓ. | Црнобело