„Растворливиот“ кондом штити од сексуално преносливи заболувања

Истражувачите од Универзитетот во Вашингтон направиле кондом кој има двојна функција: ја спречува бременоста и штити од сексуално преносливи заболувања.

Изработен е од ситни микро влакна со методата наречена „електроспининг“. Влакна слични на текстилните, направени од лековити средства, може да се сплетат во тенки мрежи, а потоа, по употребата да се растворат во човечкиот организам, во рок од неколку минути до неколку дена.

Овој кондом не само што го спречува продирањето на сперматозоидите, туку испушта и мешавина на лекови против ХИВ и контрацептивни средства.

Новата технологија, која чини милион долари, користи електрично поле за создавање на многу тенки влакна чија величина се мери во нанометри.

Ким Вудроу, профсор на Универзитетот во Вашингтон вели:

- Сакаме да создадеме производ кој жените ќе го користат за да се заштитат од ХИВ и од несаканата бременост. Имаме лекови за тоа. Се работи само за тоа да бидат во најделотворен облик и лесни за употреба.

Новата метода овозможува контролирано ослободување на неколку состојки – објаснува Камерон Бол, студент кој учествува во исражувањето.

Една од состојките на кондомот се разложува во рок од неколку минути, што обезбедува моментална заштита, а другите влакна се раствораат во рок од неколку денови и играат улога на контрацепција и заштита од инфекции.