Што е еротски?

Ако една од најважните работи во животот на човекот е очекувањето и уживањето во сексот, тоа е така затоа што човекот има вродено чувство за еротичност.

 

Адолесцентите или младите парови не посветуваат многу внимание на еротичноста, но еротските функции ги негуваме и развиваме од најраната младост, па се до зрелите години.

Со текот на годините работите се менуваат, а навиките остануваат, па така едноличноста лесно може да премине во досада доколку не воведеме неколку новитети во нашиот сексуален живот.

Да видиме што се може да биде еротично:

• Еротиката се изразува со постапки, но претходно мора да постои во мислите. Ние најчесто и не размислуваме за своето еротско однесување, туку едноставно на него сме потсвесно поттикнати бидејќи еротиката е природна и вродена состојба на духот. Од неа се одрекуваат само оние кои мислат дека таа е валкана и грешна.

• Еротиката се развива како состојба на духот. Секој израз на еротика во нашата фантазија ќе го потикне следниот, кој пак подоцна, како варијација на истата идеја ќе се појави во нашите секојдневни навики.

• Еротика е се што ќе се појави во нашата фантазија со цел да ја направи нашата љубовна игра поразновидна и поинтересна.

• Еротски е кога спалната соба ќе ја опремите со специјално осветлување, огледала, еротски украси, ќе пуштите тивка и нежна музика, ќе подготвите видео, ќе облечете секси долна облека и слично.

• Еротски е да се бакнувате во автомобил, лифт, кујна, на трпезариската маса...

• Еротски е заедничкото туширање.

• Еротски е да се гледате во огледало додека водите љубов.

• Еротски е да послужите вечера во долна облека.