Го преживеала Холокаустот благодарение на војник кој ја спасил: Љубовна приказна која траела 70 години

Кога 23-годишниот Џон Мекеј ја спасил 20-годишната Едит Штајнер од Аушвиц во 1944-та година, никој од нив не замислувал дека ќе го поминат животот заедно.

Џон, кој избегал од затворенички воен камп во Либија, бил дел од командосите кои ја ослободиле Едит и уште многу други од страшниот концентрационен логор.

Едит која била родена во Унгарија, изгубила 35 членови од нејзината фамилија за време на Холокаустот, а преживеале само таа и нејзината мајка.

На прославата за ослободувањето, Џон замолил пријател да ја праша Едит дали сака да танцува со него, но таа му пренела порака дека ќе прифати само ако тој лично ја покани.

Војникот собрал храброст и дошол до неа, a нивниот прв танц бил почеток на љубовна приказна која траела повеќе од 70 години.

Тие се венчале на 17-ти јули, 1946-та година, а имаат и 2 деца, Шерон и Питер.

Парот се прослави оваа година кога го дочекаа 71-иот заеднички ден на вљубените, но за жал, 3 недели пред нивната годишнина, Едит починала на 92 години.

Иако таа веќе не е помеѓу нас, оваа неверојатна љубовна приказна ќе живее засекогаш како потсетник за тоа што значи вистинска љубов.

М. М. | Црнобело