Машки секси совети: Каква треба да биде жената во кревет?

Иако жените ги бие глас дека се комплицирани, повеќето од нив ќе ви речат дека неретко ним мажите им се енигма, па не знаат што тие навистина сакаат. И не се далеку од вистината.

Глумејќи фраери, или, пак, затоа што се несигурни на каква реакција ќе наидат од другата страна, дечковците неретко не ги искажуваат отворено своите желби. Има и такви кои си мислат дека девојките добро читаат мисли, па им препуштаат ним самите да ги откријат.

А, во суштина, припадниците на посилниот пол се мошне поскромни и поедноставни, одошто се прикажуваат. Или, пак, од сликата што за нив ја имаат создадено мнозинството жени. Барем кога се љубовта, романтиката и сексот во прашање.

За таа цел, овојпат не ги цитираме научниците, ниту резултатите од последните истражувања, туку одговорите на обични момци од соседството. Кои се нивните еротски желби? Што најмногу ги возбудува во постелата? Каква треба да биде жената во кревет?

Прочитајте ги дванаесетте искрени машки секси совети:

„Да биде полна со самодоверба! Нема ништо повозбудливо од жена која знае што сака, па тоа и го покажува во кревет.“

„Ако девојката е врз мене, пресекси ми е кога „меша“ со колковите.“

„Оралниот секс е задолжителен како предигра!“

„Да ми каже што треба да правам. Ме пали кога таа ми дава упатства. Исто така, превозбудливо е кога ќе те фати за рацете, па те води таму каде што сака.“

„Обожавам да ја гледам додека се самозадоволува. Нема маж што не мечтае да го види ова во живо.“

„Бакнување! Колку повеќе бакнежи за време на сексот, толку е подобро и поубаво!“

„Да биде несовршена. Со бушава коса и без шминка на лицето. Ма, може да има и виклери на главата. Мене не ми пречи!“

„Ми годи кога гласно го кажува моето име. Признавам, ние мажите сме горди кога жената во кревет ни го изговара и повторува името.“

„Да ме гледа во очите додека орално ме задоволува.“

„Најважна ми е спонтаноста. Досадно е кога сексот е запишан во календарот.“

„Да си ги милува градите пред мене.“

„После сексот, сакам да лежиме заедно и да се галиме во постелата.“

 М. А. | Црнобело