11 знаци дека навистина треба да ја оставите личноста што ве изневери

Мисли дека едно „извини“ е доволно и не е подготвен за зборува до истоштување за проблемот со вас. Дали навистина се кае?

Дали треба да го оставите партнерот откако ќе ве изневери? Тоа е само ваша лична одлука.

Ако сепак не можете да се одлучите, тогаш овие сигнали ќе ви помогнат во тоа конечно да ја прекинете врската со него.

Знаци дека навистина треба да ја оставите личноста што ве изневери:

Го фативте на дело, но сè уште не признава и не ви ја кажува целата вистина

Тој не е подготвен конечно да ја каже вистината и да почне од почеток да гради доверба во вашата врска. Ова е знак дека врската нема да ви биде долговечна.

Одбива да ви се извини

Тој не сака да ја прифати штетата што ја направил со неверството, како и срамот што доаѓа со тоа. Ако не е способен да се извини, тогаш не е способен ниту одново да ја гради врската со вас.

Ви кажа „извини“ еднаш и смета дека е доволно

Вие сте истрауматизирани и повредени, а тој мисли дека ќе реши сè само со едно „извини“? Тој треба да знае дека на долг рок треба да го лекува вашето повредено срце.

Не ви открива зошто ве изневерил

Себичен и не сака да сподели детали зошто го сторил тоа, па така и во иднина нема да можете да му верувате.

Вие не сте подготвени да работите на врската

Запрашајте се себеси дали сте подготвени за еден долг процес на поправка на оваа скршена врска? Ако одговорот е негативен, тогаш најдобро е да се разделите.

Ве измами и сега вината ја наоѓа во нешто друго, а не во себеси

Ако ви каже дека ве изневерил затоа што бил пијан или му било здодевно, тогаш шансите да го стори тоа пак се огромни.

Никој друг во вашиот живот не смета дека треба да му дадете втора шанса

Закрепнувањето по неверство е тешка битка, па ако немате луѓе што ве оправдуваат и поддржуваат да го сторите тоа, тогаш размислете за одлуката. Moжеби навистина не е вреден.

Не е заинтересиран да работи на врската

Од зборување како терапија до комплетна промена на динамиката во врската, плус грижа за вас и ветувања дека нема да се повтори, се работите кои треба да ги прави партнерот откако ве изневерил. Не смее да сопре сè додека не се чувствувате безбедни во врската повторно.

Сè уште контактира со личноста со која ве изневерил и лаже за тоа

Повторно ви прави работи зад грб. Криењето информации од вас мора да биде казнето.

Причината зошто сакате да останете заедно нема врска со вашиот однос

Ако сакате да останете заедно со него поради децата на пример, тогаш верувајте не им правите услуга.

Не сте подготвени да ја оставите зад себе старата верзија на вашата врска

Сега откако партнерот ве изневери, врската повеќе никогаш нема да ви биде иста. Ако очекувате дека сè ќе биде комплетно исто, тогаш се лажете.

С. С. | Црнобело