10 нешта што ги напишав за себе кога бев сингл и осамена

Пишувањето може многу да помогне кога се чувствувате осамени, смета блогерката Никол Гарбанзос.

Таа во својот мобилен телефон ги пронашла записите кои си ги пишувала себе за да се охрабри во сите оние години кога била сингл и осамена.

Сингл-животот си има свои предности, но може да биде депримирачки кога тоа трае долго и кога сите наоколу се во пар.

Ова се нејзините записи:

Писма до идната љубов

22 септември 2013: „Најдраг мој, сакам да знаеш дека си со некој кој преживеал и успеал да се пробие низ трнливи патеки кога бил најслаб.“

4 ноември 2016: „Ме ужаснува помислата да знаеш за лошите нешта од моето минато. Се плашам од сè што ме прави лоша личност, иако ми велиш дека ме сакаш.“

Записи до себе

6 мај 2015: „Еден ден ќе го запознаам човекот на својот живот и нема да бидам свесна. Знам дека тоа нема да биде ниту утре, ниту идната недела, но ќе се појави и ќе ме освои со целата своја љубов.“

28 мај 2016: „Продолжувам да се соочувам со своите стравови и сум искрена со себе, до степен што успевам самата да се скршам и да плачам поради тоа. Но, напредувам и учам. Бев оштетена, но животот продолжува.“

24 јули 2016: „Толку сум горда на тебе. На тоа во кое се претвораш. Не знам од каде ја црпиш таа мотивација, но очигледно функционира.“

Писма до поранешните момчиња

12 мај 2015: „Ме сруши во моментот кога ги спуштав штитовите. Прегазив многу правила. Не сакав да се грижам за надворешниот изглед на врската, бидејќи верував дека убавината е тоа што се случува внатре. Сега сум заглавена чистејќи го хаосот кој го остави.“

19 јуни 2016: „Идејата за соништа за него беше отров. Кога и да зборував за цели и намери, тој ме замолчуваше велејќи ми дека го сфаќам животот пресериозно.“

Свои гледишта

15 мај 2015: „Во моментот кога инвестираш во себе, стануваш повредна личност.“

15 јуни 2014: „Омразата секако губи. Доаѓа поради стравот, кој е знак на слабост. Омразата не може да живее во чист ум.“

18 јуни 2015: „Имам пријатели кои искрено ги сакам. Со години не можев да воспоставам стабилно пријателство бидејќи ниту јас самата не бев стабилна. Денеска, за среќа, сум опкружена со визионери.“

Е. Д. | Црнобело