10 знаци дека си имате работа со маж истрауматизиран од жена

Некоја жена некогаш го „оштетила“ и сега тој до крајот на животот ќе има проблем во градење на врските со жените.

За жал, сѐ уште постојат мажи кои се полни со предрасуди кон жените. Неретко и самите не се свесни за тоа, а нивниот суров став кон понежниот пол е резултат на тоа што некогаш имале лошо и трауматско искуство во животот поврзано со жена на која ѝ верувале.

Без разлика дали станува збор за мајка што го искористувала, токсична сестра, лоша учителка или манипулативна девојка ваквото искуство може да направило одреден маж да чувствува одбивност кон жените и до крајот на животот да влијае на врските што ги гради со нив.

Како да препознаете ваков маж?

- Го насочува вниманието кон одредена жена и таа му е цел, на почетокот е шармантен и не може да му се препознаат скриените намери.

- Но, како поминува времето ќе се открие каков е тој всушност, па ќе стане некултурен, дури и неподнослив.

- Не го почитува договореното време за состаноците со жени, додека кога станува збор за средби со мажи точен е како швајцарски часовник.

- Кога е со жени тој е самобендисан, контролирачки настроен и умислен.

- Жените ги третира поинаку од мажите, ги осудува и не верува во нивните способности.

- Натпреварувачки е настроен и го плашат жени што се поуспешни од него.

- Кога дава ветувања на мажи, секогаш ги исполнува, но кога дава на жени – ретко си стои на зборот.

- Во љубовните врски постојано изневерува, зборот моногамија не е дел од неговиот речник.

- Во сексот е контролирачки настроен и ги игнорира потребите и сексуалните желби на партнерката, а постојано бара неговите да се задоволуваат.

- Несвесно прави сѐ што е во негова моќ за жените да се чувствуваат безвредно.

С. С. | Црнобело