Предобро за да биде вистинито

Сте запознале нов дечко/девојка. Си се допаѓате еден на друг... и врската почнала. Како што одминува врската, не можете да верувате колку среќа...

...сте имале - можно е по три месеци веќе да сте верени. Таа личност е вистинско совршенство, а вие сте најголемиот среќник/среќница на светот што сте ја пронашле таа личност и што таа/тој баш вас ве сака!

Таа личност е секогаш насмеана и љубезна, секогаш ја кажува вистинската работа во вистинското време.

Никогаш не се конфронтира со вас. Ништо не крие - кога ќе ја прашате, веднаш ќе ви акже дека детството му/и било прекрасно, дека неговите/нејзините родители имаат совршен брак, редовно ги посетуваат и многу ги сакаат.

Сакаат домашни миленичиња. Неверојатно колку се полни со љубов. Толку неверојатно да се запрашате дали сте со човечко суштество, или со ангел. Помислете, таа личност е премногу совршена за да биде реална.

Кога се во прашање ваквите личности, за жал, најверојатно сте во право. Тие се премногу совршени за да бидат реални – што значи дека нешто кријат од вас. Најверојатно кријат многу и најверојатно ве излажале за многу работи.

За почеток, никој не е во состојба да биде расположен цело време. Може да му биде во опис на работното место да биде љубезен и насмеан, па цел ден ќе фолира насмевка иако некого би „задавил“, но да се разбереме, никој не е расположен по цел ден.

Луѓето од крв и месо повремено го менуваат расположението, со некого се сложуваат, со некого не, и не ги сакаат баш сите домашни миленичиња....

Што значи тоа за вас? Значи дека имате работа со личност која што има многу проблеми, кои најверојатно и самата не си ги признава. Среќното детство и прекрасните родители најверојатно се измислени. А врска со таква личност, која не е во состојба да се соочи со вистината, крајно е непредвидливаи би можела да се покажекако нешто многу опасно – доволно опасно да ви го уништи животот. Тие ќе се трудат по секоја цена да ја сочуваат илузијата на совршенство и ќе настрада секој што ќе се обиде да ја наруши.

Што да се направи? Најдете личност од крв и месо, личност која некогаш се смее, а некогаш плаче, која што има добри и лоши денови, личност со добри и лоши особини. Секако, со таква личност нема сè да биде совршено – но барем ќе биде вистинито, а на долги патеки, тоа е многу позначајно. За разлика од совршеноста, вистината трае.