Добри и лоши знаци

Изразите на лицето, движењето на телото, погледите и допирите, случајни или намерни, понекогаш кажуваат повеќе од зборовите. Големо...

...значење имаат и одредени ситуации во кои ќе се најдете со својата потенцијална партнерка и зборовите кои во таа прилика ќе се кажат. Веќе првиот состанок со вашата потенцијална партнерка може да биде успешен, но може да се претвори во фијаско.

Врз основа на што можете тоа да го заклучите? Обично на основа на некои детали. Постојат знаци кои можеме да ги сметаме за добри, но постојат и оние што се котираат како лоши.

Пред сè, добро е ако таа нема сомничав израз на лицето кога ќе ја излажете колкава ви е платата. Тоа значи дека не е опседната со материјалните ведности и дека има свои приходи кои ја прават независна.

Вистинскиот показател дека таа ви се допаѓа е вашето верување дека е слатка дури и кога за време на ручекот ќе и остане парче спанаќ помеѓу забите. Но, како и секогаш постои и онаа другата страна на медалот, која е помалку светла. Тоа никогаш немојте да го заборавите.

Доколку седите во некое кафуле, а таа во ваше присуство флертува со келнерот, или со друг маж, знајте дека шансите за успех ви се сведени на минимум. Ако уште и зборува на мобилен со некој друг маж додека сте вие тука, јасно е дека немате ама баш никакви шанси.

Најмногу треба да ве уплаши ако наивно ја прашате за бившите момчиња, а таа почне да ви се жали дека некои од нив ја избегнуваат и не и одговараат на пораките.

Извинете се, отидете до тоалет, скришно платете ја сметката и бегајте без да се вртите назад. Секако, тоа можете да го сторите ако претходно не сте и го дале бројот на својот мобилен или фиксен телефон, што е почетничка грешка која во конкретниот сличај може многу скапо да ве чини.