„Еректилната дисфункција во 20-тите направи да се плашам од сексот“

„Тоа беше ужасно чувство, најлошата работа која можете да си ја замислите. Сакате да ја искористите својата младоста, но вашата машкост ви вели не. Лицето на жените комплетно се менуваше кога ќе видеа дека не можам. Беа фини и ми велеа не грижи се, се случува, но многу често гледав дека не го мислат тоа и се чувствував уште полошо. Ми беше многу непријатно кога се среќавав наредниот пат со нив.“

Дури години подоцна за време на една пијана ноќ Ими се исповедал за проблемот на еден свој пријател.

„Зборував слободно затоа што знаев дека нема да се сеќавам што сум кажал затоа што бев многу пијан. Но, се изненадив кога и тој беше искрен со мене и ми се довери за своите еректилни проблеми. Потоа, зборувавме и на трезно и ми олесна затоа што сфатив дека не сум единствениот што минува низ тоа.

Тоа отстранување на срамот имаше драматично влијание. Потоа почнав да се опуштам и сфатив дека проблемот ми го предизвикале емоциите, па наскоро мојот проблем со интимноста исчезна.“

Сега, Ими ужива во нова врска и вели дека повторно се чувствува добро во својата кожа.

„Сакам и другите мажи да зборуваат отворено за својот проблем, не плашете се да се доверите некому, да поставувате прашања и да побарате помош. Тоа е природна работа, се случува и постои решение. Наместо да се обвинувате себеси разговарајте со доктор или барем со некој пријател. “

С. С. | Црнобело