„Јас изгледам просечно, а мојот свршеник е преубав и презгоден - сите мислат дека ме изневерува“

Зошто екстремно згоден маж да не може да биде со девојка со просечен изглед? Дали луѓето коментираат кога ситуацијата е обратно?

Хејзел (29), писателка од Шкотска, е горда на својот атрактивен свршеник Пол Барез (29), кој работи како обезбедување, а за кој вели дека е магнет за жени.

Хејзел за себе вели дека е девојка со просечна висина и просечен изглед, а нејзиниот свршеник е висок 188 сантиметри и уште кога првпат го видела во дискотека на Тенерифе срцето ѝ потскокнало по него.

„Тој е прекрасен. Толку добро изгледа, што константно е нечиј плен.

Се запознавме во јули 2016 година, кога имав 24 години и не очекував дека тој, најатрактивниот маж кој некогаш сум го видела, ќе покаже интерес за мене.

Беше фин, внимателен, дури и срамежлив, но поради изгледот сите ми велат дека нема шанси да не ме изневерува.

Но, и покрај тоа, јас сум самоуверена и тоа помага. Тој никогаш не ми дал причина да не му верувам. Исто така ми кажа дека мисли дека сум убава однатре и однадвор.

Пред две години донесов одлука да ја напуштам родната Шкотска и да живеам во Холандија со него и не се каам.

Ме запроси и едвај чекам да се венчаме, а луѓето нека продолжат со своите лоши коментари онлајн.

Жал ми е што не се среќни за нас. Пол станува од кревет и изгледот му е 10-ка, но и јас изгледам добро ако одлучам да се нашминкам, средам и облечам фустан.

Зошто екстремно згоден маж да не може да биде со девојка со просечен изглед? Дали луѓето коментираат кога ситуацијата е обратно?

Навистина нема потреба да се суди според изгледот.“

С. С. | Црнобело