Костадин Захов – наш голман со уникатен моден стил (фото)

„Никогаш не би можел да се замислам во тесни маички и фармерки со големи логоа на нив. За моите комбинации често се случува некој да ми искоментира дека комбинацијата ми е чудна, па тој никако не би ја облекол. Но, тоа е сосема во ред. Јас прифаќам и разбирам зошто некому не му се допаѓа тоа како сум облечен“, голманот Костадин Захов за CRNOBELO.com зборува за својот специфичен стил на облекување.

Голманот на ФК „Шкендија“, Костадин Захов, важи за еден од мажите со најуникатен street style во Македонија.

Дино, како што го викаат пријателите, сака да комбинира облека во весели и впечатливи бои, не се плаши да експериментира со стилот и често носи парчиња кои многумина сметаат дека се неспоиви.

Дино Захов е роден на 08 ноември 1987 година во Струмица, а во моментов живее на релација Тетово – Скопје. Тој е голман на ФК „Шкендија“ од Тетово.

Па, кога не носи дрес и голмански ракавици, сака да експериментира со облеката, а вели: „Нема нешто што не би споил, ако сметам дека ми стои добро и ако се чувствувам убаво со својот избор“.

За CRNOBELO.com тој говори за својот моден стил:

„Мојот начин на облекување би го ставил во street style, иако не се држам до никакви граници што опфаќа само еден тип на облекување.

Најмногу сакам да комбинирам широки панталони и кошули.

И често се случува некој да ми искоментира дека комбинацијата му е чудна, па тој никако не би ја облекол. 

Но, тоа е сосема во ред. Јас прифаќам и разбирам зошто некому не му се допаѓа тоа како сум облечен.

Од боите омилена ми е црната, а имам многу омилени парчиња и ги носам додека не се распаднат.

Во последно време не сакам да трошам многу за облека и успевам во тоа, купувам од пристапни брендови.

Но, најмногу уживам во custom made парчиња, поготово кога наидувам на обострано разбирање со тој што ми ги прави.

Продолжува на следната страница...