6 тренди модели на чанти кои се хит кај Французинките

Винтиџ моделите, но и чантите со долги прерамки се практични, изгледаат добро и лесно се вклопуваат во скоро секоја комбинација. Кои се другите фаворити на елегантните Французинки?

Чантите прават огромна разлика во модните комбинации. Можат да го освежат целиот изглед, а ако станува збор за повпечатливи модели, можат да бидат акцент на целата комбинација.

Кои модели се фаворити на Французинките?

Чанта со долга прерамка

Иако ранците се практични, Французинките почесто има даваат предност на чантите со долга прерамка која може да се носи преку градите.

Со овие чанти рацете ви се слободни, а сепак ќе изгледате елегантно.

Сламена торба

Генерално, чантите без дефинирана форма изгледаат по малку неуредно.

Но, ако сепак сакате торба, послушајте ги советите на Французинките и одберете сламен модел.

Овие чанти собираат многу работи, а сепак изгледаат елегантно.

„Багет“ чанта

Овие мали чанти со кратка прерамка лесно се вклопуваат во секоја комбинација и изгледаат навистина стилски.

Чанта во форма на полумесечина

Овие елегантни чанти се фаворит на Французинките.

Поради минималистичкиот дизајн, лесно се комбинираат, а притоа додаваат доза луксуз во изгледот.

Винтиџ чанта со реси

Винтиџ моделите, особено оние со реси, значително ги освежуваат полежерните комбинации.

Мала чанта за вечерни излегувања

За вечерните излегувања, нема да погрешите со мала чанта (без прерамки).

Одлично ги дополнуваат елегантните комбинации и можат да бидат главен детаљ ако носите поминималистичка облека.

Спирова С. | Црнобело