14 бон-тон правила за деловни комбинации - Ги почитувате ли?

Ако ја носите кошулата во панталоните, тогаш ставете колан

Кошулата во панталони е знак на формален изглед. Но, уште едно правило што треба да го запомните е дека кога кошулата ја ставате внатре, задолжително треба да носите и колан на панталоните.

Коланот е практичен затоа што ќе ги држи панталоните на место, а ќе ви помогне и да изгледате поелегантно, затоа што ја нагласува половината и ви дава пропорционален и одмерен изглед. 

Никогаш не смее да се гледа гола кожа меѓу фармерките и блејзерот

За да изгледате вкусно и формално, секогаш имајте на ум дека не смее да ви се гледа кожата.

Ако блејзерот е премногу краток, тогаш облечете маица што ќе ги покрие голите места.

Коланот треба да биде во иста боја со чевлите

Кога станува збор за златните правила во облеката за мажи, знајте дека коланот треба да биде во иста боја со чевлите.

Ова ќе ви помогне да постигнете похармоничен изглед и ќе покаже дека вие сте личност што ништо не остава на случајност, туку внимава на сите детали.

Ако облеката има видливи етикети, отстранете ги

Иако на прв поглед изгледаат безначајно, видливите етикети може да ви го уништат изгледот, затоа што никој нема да гледа во вашиот совршен избор на облека, туку во деталите што не треба да бидат на неа.

Практикувајте да ги отстраните сите непотребни надворешни етикети и лепенки за да постигнете поелегантен и пристоен изглед.

Не носете премногу дезени

Кога бирате дезени, најважно е тоа да го правите избалансирано.

Секогаш изберете два различни дезена во иста боја за да постигнете елегантен контраст, или дезени со различна големина, но кај кои боите се соодветни.

Чорапите треба да бидат доволно долги за да ја покријат ногата кога седите

Иако многу мажи сметаат дека чорапите воопшто не се важни, сепак тие може да имаат големо влијание врз целокупниот изглед, особено ако седите.

Златното правило е да изберете чорапи што се доволно долги за да ви ја прекријат во целост ногата кога седите.

Избегнувајте блузи со прерамки, а блузите без ракави треба да ги покриваат рамената

Кога носите блузи без ракави, горниот дел треба да ги прекрива рамената за кошулата да биде прифатлива за формален изглед.

Блузите со прерамки оставете ги за излегувањата или за некои други пригоди, затоа што во формална атмосфера тие се знак за непрофесионалност и се сметаат за вулгарни.

Б. С. Б. | Црнобело