Високи чизми, волнени капчиња - Како соодветно да се грижите за зимската облека и обувки?

Препорачливо е кожените ракавици да ги перете на рака - на сунѓер капнете неколку капки оцет и потоа поминете со него преку ракавиците. Ова ќе ги исчисти, но и ќе ги омекне. Оставете ги во садот со вода преку ноќ, а потоа оставете ги да се исушат природно, на рамна површина, но никако не ги ставајте на радијатор или на сонце.

За зимските обувки и облека треба да се грижите подеднакво внимателно, како за сите останати парчиња кои се наоѓаат во вашиот плакар.

Прочитајте ги овие практични совети кои ќе ви помогнат да ја заштитите облеката во текот на зимската сезона, но и откако ќе заврши.

Кожени чизми и чевли

Ако кожените чевли или чизми имаат врвки, отстранете ги пред да почнете да ги чистите. Со мека четка за заби или мека памучна крпа отстранете ги прашината и валканите дамки.

Потоа, поминете ги со крпа натопена во средство за чистење, растворено во млака вода. Исушете ги, а на крајот испрскајте ги со заштитен спреј.

Кожените обувки (а ни облека) никогаш не смеете да ги ставате во пластични ќеси, кои ја уништуваат кожата.

Наместо тоа, кога ќе заврши сезоната ставете ги во картонски кутии и ставете ги на суво место.

Волнени џемпери

Волнените парчиња треба да се исперат во машина и тоа на програма за волнена облека, но и со соодветен детергент за „деликатни“ парчиња.

Притоа, во машината е препорачливо да ставите само волнена облека.

Доколку на самото парче е нагласено дека треба да се пере рачно, тогаш е најдобро да го потопите во топла или млака вода и да додадете детергент. Оставете го да отстои 3 до 5 минути.

Сушете го џемперот легнат на хоризонтална површина, бидејќи ако го ставите на закачалка или на жица за сушење и го закачите со штипки, најверојатно ќе се растегне и ќе ја изгуби првичната форма.

Зимски капи

Пред да почнете да ги перете плетените капи, прочитајте што пишува на етикетата.

Волнената капа можете да ја исперете рачно во студена вода, бидејќи во спротивно материјалот може да се смали, а бојата да избледи.

Доколку капата е синтетичка, можете да ја исперете во машина.

Најдобриот начин да ја исушите е да ја „легнете“ врз сув пешкир.

Продолжува на следната страница...