Залижана коса за храбрите мажи

Залижаните фризури на нашите простори многумина ги поистоветуваат со сомнителни типови со кои како дополнителни елементи одат дебели златни синџири...

...сомнителна деловна преокупација и врски со црната хроника.

Она што многумина ќе ги изненади оваа пролет е фактот дека залижаните фризури се враќаат, а еден од првите кој го забележа тој тренд е италијанскиот дизајнер Roberto Cavalli.

Cavalli на својата пролетна ревија го престави мажот кој ќе биде во тренд оваа сезона: тој не се плаши од впечатливи детали, јаки бои, тесни кроеви, но ниту од залижана коса каква што некогаш носел Clark Gable.

И додека на почетокот од минатото столетие вакви фризури биле модерни и се сметале мажествени, до неодамна се сметаа демоде и застарени. Благодарејќи му на враќањето на ретро стилот и храбрите мажи, денес повторно се враќа оваа мода на залижани фризури и ја носат многу актери и пејачи.

Leonardo DiCaprio i Theo Hutchcraft се само некои од мажите кои го прифатија овој тренд. Прилагодете си го трендот и бидете сигурни дека ќе го носите уште многу години, бидејќи се работи за тренд кој никогаш не излегува од мода – ако знаете добро да го носите.

Кога ќе одите на фризер барајте пократко стрижење од страните и одзади, а подолги нека бидат прамените на врвот од главата. Така истрижената коса можете да ја обликувате со гел.

Овие фризури се исклучително мажествени, а со соодветна комбинација на облека можат да бидат и многу секси.

Избегнувајте да ја комбинирате со секојдневни и спортски парчиња – оваа фризура е премногу елегантна за тренерки и патики.

Многу подобро изгледа со елегантни класични парчиња на пример костум како и со деловни комбинации.