8 модни трендови кои изгледаат убаво и во реалноста (не само на Инстаграм)

Маичка со впечатлив принт за лежерни комбинации и металик боја за вечерни излегувања – неколку трендови кои изгледаат убаво и на Инстаграм, и во реалноста.

Кога инфлуенсерките промовираат некој нов тренд, доста често станува збор за нешто што не изгледа најдобро во реалноста или што не е воопшто практично за носење.

Но, секако, има и трендови кои изгледаат мошне добро и вреди да им дадете шанса.

Дел од нив во продолжение:

Маички со впечатливи принтови

За лежерни комбинации, нема подобар избор од памучна маичка и фармерки или тексас здолниште.

Додека маиците со натписи и логоа на брендови не изгледаат најдобро, многу популарни стануваат оние со впечатливи принтови, како уметнички дела или нешто апстрактно.

И, не изгледаат добро само на Инстаграм.

Струкирано сако

Покрај широките сакоа, повторно се прославуваат и струкираните, но не претесни модели кои се совршени за поелегантни комбинации.

А, изгледаат мошне добро во реалноста бидејќи ја нагласуваат половината.

Металик боја

Можеби металик бојата на облека е само за похрабрите, но дефинитивно изгледа добро и во реалноста.

Комбинациите со металик боја се совршени за вечерни излегувања.

Ако не сте доволни храбри за облека со оваа нијанса, можете да облечете само металик чевли.

Панделки

Панделки на облека, на модни додатоци, во коса…

Панделките се сеприсутни оваа сезона и изгледаат исто елегантно во реалноста колку и на Инстаграм.

Продолжува на следната страница...