Парчиња облека кои нема потреба да ги носите на одмор – само ќе ви зафаќаат место во куферот

Блузони

Нормално, дури и ако е лето, препорачливо е да понесете нешто на долги ракави, во случај навечер да биде постудено.

Сепак, подобро спакувајте некој тенок кардиган или нешто слично наместо голем блузон кој ќе ви зафаќа многу место, а мала е веројатноста да го облечете.

Свечени фустани за излегување

Освен ако не планирате да одите на некоја свеченост, избегнувајте да пакувате многу свечена облека.

Колку и да мислите дека ќе сакате да го облечете раскошниот фустан, кога ќе ви биде жешко, поверојатно е дека ќе се одлучите за нешто поедноставно и полесно.

Понесете елегантни фустани, но избегнувајте многу комплицирани модели кои не се практични.

Многу долги панталони

Долгите панталони изгледаат одлично, но избегнувајте ги многу долгите модели.

Сигурно нема да ги носите на плажа бидејќи од песокот и водата постои ризик да ги оштетите ногавиците.

Истовремено, не се најпрактични за долги прошетки бидејќи може да ги згазнете и ќе треба постојано да ги држите ногавиците во рака.

Чорапи од синтетички материјали

На одмор понесете чорапи од природни материјали, како памук, па дури и тенки волнени чорапи.

Синтетичките материјали ќе ја задржат потта во стапалата и освен непријатниот мирис, во лето можат да предизвикаат појава на иритација и габични инфекции.

Тесни здолништа

Здолништата се одлични за во лето, но на одмор не си зафаќајте простор во куферот со тесни модели.

Во нив ќе ви биде жешко и веројатно нема ни да ги облечете.

Спирова С. | Црнобело