Шик фустани кои треба да ги имате во плакарот (и со кои ќе блескате до крајот на летото)

Од летото не останува уште долго, но тоа не значи дека не можете да блеснете во полн сјај и во последните денови на август, па и во септември.

Купувањето гардероба секогаш зависи од сезоната во која се наоѓаме и избираме работи кои се модерни во моментот.

Но, пред крајот на летото, стилистите препорачуваат фустани чии модели не само што се тренди оваа сезона, туку дел од нив се вечна класика, а други ќе се носат и во текот на следната година.

Затоа, бидете шик во текот на овие месеци и погледнете какви фустани се во мода:

Фустани со карнери и набори

На прерамки, со широки ракави, лелеави модели, па дури и со колан од истиот материјал - овие фустани се вечна летна класика и не излегуваат од мода.

Фустани со цветови

И овој принт е во мода оваа сезона, но стилистите препорачуваат тоа да се дезени со крупни цветови, наместо ситни и шарени цветчиња.

Геометриски фигури на фустаните

Заборавете на точките - наместо тоа изберете модели со неправилни геометриски фигури кои се многу повпечатливи, но и модерни.

Фустани на преклоп

Кога купувате вакви фустани, обрнете внимание на материјалот - тој не треба да е крут, туку лесен, да паѓа убаво и да ги истакне атрибутите на телото.

Фустани од тантела

Ова е уште една класика, особено ако фустанот е со крој во вид на буквата А и ја нагласува половината, а под тантелата ѕиркаат нозете.

Модели со гол грб

Овие фустани се секогаш совршен избор - само тоа нека биде модел кој нема да ве „стиска“ и да ви го набира грбот.

Плетени фустани

Плетените фустани се една од најдобрите опции за крајот на летото - телото „дише“, удобни се и многу шик.

Макси фустани

Многу жени мислат дека долгите, макси фустани не им стојат, но факт е дека тие се совршени за сите - само треба да го изберете моделот кој најмногу одговара на обликот на вашето тело.

А. Ј. | Црнобело