Модата на првата вечер на Shtip Fashion Days 2024: Што облекоа посетителите? (фото)

Миа Костова и Маја Кикириткова избраа црни аутфити и ги комбинираа со црни очила, Стефан Спирковски носеше крем комбинација, Светлана и Мики Црнокрак се одлучија за покежуал стил... Како беа облечени посетителите на првата вечер на Shtip Fashion Days 2024?

Вчеравечер (30.09) во фабриката „Македонка“ во Штип се одржа првата од трите вечери на модниот настан - Shtip Fashion Days 2024, кој се организира првпат кај нас, а привлече огромно внимание.

Штип повторно заживеа во духот на модата - на градот му се случи одличен моден настан кој на едно место собра бројни дизајнери, модели, инфлуенсери, јавни личности...

Погонот, на она што некогаш беше една од најголемите македонски фабрики, сега беше претворен во впечатлива модна локација со црн тепих, голема писта и многу светла во различни бои, кои истовремено ја правеа атмосферата и мистична и магична.

Еден од најголемите модни настани кај нас, беше отворен со моден перформанс и ревијата на „Гласен текстилец“, здружение за заштита на работничките права. 

Ревијата беше во соработка со пет реномирани македонски дизајнери и пет студенти на школата за дизајн, Академија Скала. 

Вечерта продолжи со две ревии на модниот бренд „Нана“ - Mimimal by NANA и NANA, а заврши со ревијата на студентите од универзитетот „Гоце Делчев“ -  Штип.

Меѓу гостите беа и дизајнерката Маја Кикириткова, нашите истакнати модели Светлана и Мики Црнокрак и Алек Наумовски.

Тука беа и инфлуенсерите Миа Костова, Дани Ѓуровска, Александра Трпеска - Majestic, Стефан Спирковски, младата пејачка Кики Мукаетова, но и градоначалникот на Штип, Иван Јорданов.

Темата на првиот моден настан e „Реинкарнација“, а организаторите велат дека целта е да се поттикне домашното производство и да се заштитат работничките права.

Погледнете ги фотографиите од црниот тепих на Shtip Fashion Days 2024:

Продолжува на следната страница...