7 модни трендови што ќе ги гледаме насекаде во 2025-та + предлог комбинации

Животинскиот принт не излегува од мода, а истото важи и за комбинациите со патики.

Додека да заврши 2025-та, сигурно ќе се променат многу трендови, но според модните експерти, некои од нив ќе ги гледаме насекаде, во текот на целата година.

Што прогнозираат модните експерти за 2025-та?

Облека во бохо стил

Реси, јакни и чевли од превртена кожа, долги лелеави фустани, широка облека – бохо стилот ќе биде популарен и оваа година.

Жолта боја

Иако нè асоцира на потопло време, жолтата боја е одлична и за зимски и есенски комбинации.

За посмели комбинации, слободно експериментирајте со подречлива боја, а за поелегантна варијанта одлични се пастелните нијанси.

Микро шорцеви наместо мини здолниште

Мини здолништата имаа свој камбек минатата година, но уште во зима беа заменети со микро шорцеви.

Изгледаат одлично со хулахопки и чизми, во комбинација со џемпер или кошула.

Микс од спортски изглед и елеганција

Елегантно сако со патики, дуксер со здолниште, тренерки за дневни излегувања – удобните спортски комбинации ќе доминираат и годинава.

И, слободно експериментирајте и комбинирајте ги со поелегантни парчиња.

Поло маички

За потоплите денови, поло маичките на кратки ракави се идеален избор.

Изгледаат одлично во комбинација со фармерки и патики.

Животински принт

Ова е тренд кој доминира веќе некој период, а ќе го гледаме и во 2025 година.

Асиметрични парчиња

Здолништа со асиметричен крој, маички со една рамка или ракав, распар обетки – асиметричните модни парчиња и додатоци повторно ќе бидат популарни и годинава.

Спирова С. | Црнобело