6 модни додатоци со кои ќе бидете тренди во 2025-та (фото)

Животинскиот принт е сеприсутен и ако не го сакате на облека, вреди да му дадете шанса барем на некој моден додаток, како чанта, чевли, па и очила.

Модните додатоци се клучни за добар изглед и неретко прават драстична разлика во целата комбинација.

Годинава ќе доминираат трендови кои веќе ни се познати, но и некои кои ги кршат старите модни правила.

Модни додатоци со кои ќе бидете тренди во 2025-та:

Чанти со ремени

Чантите украсени со ремени се прославија благодарение на популарните модели Birkin, а ќе доминираат и годинава.

Бидејќи ова е тренд кој ќе го гледаме барем уште некоја година, ако планирате да дадете повеќе пари за чанта, вреди да вложите во модел со ремен.

Впечатливи очила за сонце

Очилата за сонце можат да бидат акцент на целата комбинација.

Футуристички модели, очила со впечатливи бои, поголеми модели – сè што е впечатливо и привлекува внимание ќе биде хит годинава.

Додатоци со животински принт

Ако не сакате облека со животински принт (кој е хит подолг период), тогаш барем дајте им шанса на модните додатоци.

Чанта, чевли, па и очила со животински принт се доволно за да ја направите секоја комбинација постилска.

„Поштарска“ чанта

Таканаречените „поштарски“ чанти (satchel bag) се големи модели кои се носат преку рамо.

Се прославија поради практичноста, но и бидејќи се совршени за деловни комбинации.

Накит од мешани метали

Заборавете на правилото дека не треба да комбинирате сребро и злато.

Годинава хит се и парчињата накит направени од злато и сребро истовремено.

Секако, не мора да купувате нов накит, туку слободно правете си ваши комбинации со она што веќе го имате.

Плетена кожа

Чантите од кожа (или лажна кожа) кои изгледаат како да се плетени ќе ги гледаме насекаде.

Но овој начин на изработка е популарен и за колани, паричници, чевли...

Спирова С. | Црнобело